‘कार्तिकी’तर्फे आवाशीत वृक्षारोपण

सकाळ वृत्तसेवा
खेड, ता. २४ : कार्तिकी हेल्थकेअर फाउंडेशनतर्फे प्राथमिक आरोग्यकेंद्र, ग्रामपंचायत आणि आवाशी शाळेत वृक्षारोपण करण्यात आले. पर्यावरण रक्षणाच्या उद्देशाने आयोजित या उपक्रमातून हा उपक्रम राबवण्यात आला आहे.
आवाशी येथे झालेल्या कार्यक्रमाचे उद्घाटन डॉ. दमयंती कदम यांच्या हस्ते झाले. या वेळी ग्रामसेवक, पंचायत कर्मचारी, मुख्याध्यापक आंब्रे, शिक्षकवर्ग व विद्यार्थी मोठ्या संख्येने सहभागी झाले. या संस्थेचे अध्यक्ष डॉ. सागर जोगळे हे वैद्यकीय, शैक्षणिक आणि सामाजिक क्षेत्रात गेली दोन वर्षे सक्रिय असून, विविध उपक्रमांद्वारे समाजसेवा करत आहेत. या कार्यक्रमाच्या आयोजनात उपाध्यक्ष डॉ. सकटे आणि सचिव अशोक धाडवे यांनी विशेष योगदान दिले.
---