‘लक्ष्मीकेशव’मध्ये
योग दिन साजरा
रत्नागिरी ः तालुक्यातील कसोप-फणसोप येथील लक्ष्मीकशव माध्यमिक विद्यालयात आंतरराष्ट्रीय योग दिन मोठ्या उत्साहात साजरा करण्यात आला. प्रशालेच्या पटांगणात सर्व शिक्षक व विद्यार्थ्यांनी वेगवेगळी आसन केली. या वेळी आसनांची आवश्यक माहिती मुख्याध्यापिका सौ. राजेशिर्के यांनी दिली. शिक्षक श्री. झोरे व श्री. मदगे यांनी विद्यार्थ्यांना अनेक साधी सोपी आसन करून दाखवली. या वेळी संस्थाध्यक्ष कमलाकर साळवी, सर्व शिक्षक, शिक्षकेतर कर्मचारी उपस्थित होते.

डाएटच्या प्राचार्यांची
बाजेकुंभ शाळेला भेट
रत्नागिरी ः रत्नागिरी जिल्हा शिक्षण, प्रशिक्षण संस्थेचे प्राचार्य सुशील शिवलकर यांनी रत्नागिरी तालुक्यातील नेवरे बाजेकुंभ या शाळेला भेट दिली. त्यांनी विद्यार्थ्यांशी संवाद साधला. शाळेचे मुख्याध्यापक नितीन सावंत, उपशिक्षिका अनुराधा पोतदार यांनी पुष्पगुच्छ देऊन प्राचार्य शिवलकर यांचे स्वागत केले. सुशील शिवलकर यांनी विद्यार्थ्यांच्या गुणवत्तेचा आढावा घेत निपुण महाराष्ट्र अंतर्गत शिक्षकांना मार्गदर्शन केले. प्राचार्य शिवलकर यांच्या भेटीचे औचित्य साधून विद्यार्थ्यांनी त्यांना सोनचाफ्याचे रोपटे भेट दिले.

शालेय साहित्याचे
टिके शाळेत वाटप
पावस ः रत्नागिरी तालुक्यातील टिके नं. २ शाळेत संदीप यशवंत पावसकर यांच्याकडून विद्यार्थ्यांना शैक्षणिक साहित्याचे वाटप करण्यात आले. कार्यक्रमाला उपसरपंच संजय भातडे, श्री. गोताड, शाळा व्यवस्थापन समिती अध्यक्ष मिताली कांबळे, जनार्दन भातडे, मुख्याध्यापक सौ. नलावडे, शरयू धामापूरकर आदी उपस्थित होते.