swt263.jpg
73263
सावंतवाडी ः येथे आगार व्यवस्थापक नीलेश गावित यांच्याशी चर्चा करताना पाडलोस ग्रामस्थ.

अपघातग्रस्त गणेशच्या
नोकरीसाठी प्रयत्न करा
पाडलोस ग्रामस्थ ः आगार व्यवस्थापकांकडे मागणी
सकाळ वृत्तसेवा
बांदा, ता. २६ ः पाडलोसमधील गणेश गावडे याला केवळ आर्थिक मदतीवर न थांबता त्याच्या नोकरीसाठी सक्षम प्रयत्न करा, अशी मागणी पाडलोस ग्रामस्थांनी सावंतवाडी आगार व्यवस्थापक नीलेश गावित यांच्याकडे केली. यावर सकारात्मक प्रतिसाद दिल्याचे पाडलोस उपसरपंच राजू शेटकर यांनी सांगितले.
रोणापाल येथे झालेल्या एसटी दुचाकी अपघातात पाडलोस-भाकरवाडी येथील गणेश गावडे युवक गंभीर जखमी झाला. त्याला केवळ उपचारार्थ खर्चावर‌ न थांबता उदरनिर्वाह करण्यासाठी तात्पुरत्या स्वरूपात तरी नोकरीत घ्या, अशी मागणी पाडलोच ग्रामस्थांनी यावेळी सावंतवाडी आगार व्यवस्थापक नीलेश गावित यांच्याकडे केली. यावेळी उपसरपंच राजू शेटकर तसेच संतोष आंबेकर, प्रणित गावडे, बबलू गावडे, गोट्या गावडे, सुनील गावडे, रोहित गावडे, साहिल गावडे, सुयश गावडे आदी उपस्थित होते.
गावित म्हणाले की, संबंधिताला तातडीची मदत देण्यात आली आहे. तसेच तो बरा होईपर्यंत उपचाराचा खर्चही देण्यात येणार आहे. परंतु, पाडलोस ग्रामस्थांनी अपघातग्रस्त गणेश गावडे यांच्या घरची परिस्थिती सांगितल्यावर गावित यांनी त्याला तात्पुरत्या स्वरूपात नोकरीसाठी प्रयत्न करणार असल्याचे आश्वासन दिल्याचे उपसरपंच राजू शेटकर यांनी सांगितले.