माखजन स्कूलमध्ये पालक सभा
सकाळ वृत्तसेवा
सावर्डे, ता. २७ : देशावर होणारी आक्रमणे, समाजात घडत असलेल्या खून, मारामारी, बलात्कार, विनयभंग, सायबर गुन्हेसारख्या घटना फार वेदनादायी आहेत. या वाईट प्रवृत्तीच्या विरोधात लढण्यासाठी विद्यार्थ्यांना तयार करण्याची गरज आहे, असे मत निवृत्त कृषी विस्तार अधिकारी हेमंत तांबे यांनी केले. माखजन (ता. संगमेश्वर) इंग्लिश स्कूल येथील पालक सभेत ते बोलत होते. प्रशालेत मुलांसाठी लाठीकाठी प्रशिक्षण होणार आहे. या पार्श्वभूमीवर त्यांनी पालकांना आवाहन केले. या वेळी सुप्रसिद्ध व्याख्याते श्रीनिवास पेंडसे, माखजन पंचक्रोशी शिक्षण प्रसारक मंडळाचे अध्यक्ष किशोर साठे, उपाध्यक्ष शशिकांत घाणेकर, सचिव दीपक पोंक्षे, सहसचिव दीपक शिगवण, मुख्याध्यापिका रूही पाटणकर उपस्थित होते.