73795

दोडामार्ग महाविद्यालयात
अमली पदार्थ विरोधी दिन
दोडामार्ग, ता. २८ : येथील लक्ष्मीबाई सीताराम हळबे महाविद्यालयात अमली पदार्थ विरोधी दिन साजरा करण्यात आला. दोडामार्ग पोलिस निरीक्षक हेमचंद्र खोपडे यांची प्रमुख उपस्थिती होती.
पोलिस निरीक्षक खोपडे म्हणाले की, ‘पाश्चात्य संस्कृतीचा प्रभाव आजच्या तरुण वर्गावर पडल्यामुळे काही तरुण पिढी शॉर्टकट सुखाच्या शोधात असतात. मूल्य शिक्षणाच्या अभावामुळे तरुण पिढी भरकटत चालली असून अमली पदार्थाच्या आहारी गेली आहे. त्यांनी चांगले जीवनमान जगायचे असेल, तर अशा व्यसनांपासून दूर राहायला पाहिजे, तरच देश शक्तिशाली बनेल.’ महाविद्यालयाचे प्राचार्य डॉ. सुभाष सावंत यांनी, चांगल्या व्यक्तींची संगत करा, चांगले संस्कार लावून घ्या, पालकांनी आपल्या मुलांच्या सवयीवर लक्ष ठेवा, असे आवाहन केले. व्यासपीठावर आयक्यूएसीचे प्रा. दिलीप बर्वे, पोलिस कर्मचारी मनाली कुबल, श्री. गवस, राष्ट्रीय सेवा योजनाचे कार्यक्रमाधिकारी डॉ. संजय खडपकर आदी उपस्थित होते. डॉ. खडपकर यांनी प्रास्ताविक केले. डॉ. प्रज्ञाकुमार गाथाडे यांनी आभार मानले.