74138

आकेरी शाळेमध्ये
मंत्रिमंडळ नियुक्त
सावंतवाडी ः आकेरी क्र. १ या प्रशालेत शालेय स्वराज्य मंत्रिमंडळ नियुक्त करण्यासाठी मतदान घेण्यात आले. यावर्षीच्या मतदानाचे वैशिष्ट्य म्हणजे यावेळी ईव्हीएम मशीनचा वापर करण्यात आला. शाळेतील विद्यार्थ्यांनी एक नवीन अनुभव घेतला. अतिशय उत्साहवर्धक वातावरणात ही निवडणूक पार पडली. यासाठी संगीता म्हाडगुत आणि स्वाती कुंभार यांनी विशेष परिश्रम घेतले.
--------
74137
भोसले कॉलेजचा
१०० टक्के निकाल
सावंतवाडी ः मुंबई विद्यापीठाच्या बी.फार्मसी अंतिम वर्ष परीक्षेचा निकाल नुकताच जाहीर झाला. येथील यशवंतराव भोसले कॉलेज ऑफ फार्मसीने १०० टक्के निकालाची परंपरा यंदाही कायम ठेवली आहे. परीक्षेला कॉलेजचे एकूण १२६ विद्यार्थी बसले होते. यात भूमिका परब हिने ९.०९ एसजीपीए गुणांसह प्रथम, दिव्या जंगले (८.९१) हिने द्वितीय तर सेजल देसाई (८.६४) हिने तृतीय क्रमांक मिळविला. विद्यार्थ्यांच्या या यशाबद्दल संस्थेचे कार्याध्यक्ष अच्युत सावंत-भोसले, प्राचार्य डॉ. विजय जगताप, परीक्षा विभाग प्रमुख प्रा. नमिता नार्वेकर, प्रा. प्रणाली जोशी यांनी त्यांचे अभिनंदन केले.
--------