74162
वैज्ञानिक प्रयोगांद्वारे ज्ञानवृद्धी करा
महेश साखळकर; मांडकुली-केरवडे शाळेत ‘मिनी सायन्स लॅब’
सकाळ वृत्तसेवा
कुडाळ, ता. ३० ः विज्ञानाचे सिद्धांत प्रत्यक्ष समजून घेण्यासाठी तसेच वैज्ञानिक संकल्पना, विज्ञानाचे शिक्षण प्रभावीपणे आणि रंजक पद्धतीने घेण्यासाठी विद्यार्थ्यांनी ‘मिनी सायन्स लॅब’चा उपयोग करावा व वैज्ञानिक प्रयोगाद्वारे आपली ज्ञानवृद्धी करावी, असे प्रतिपादन कोकण रेल्वे रत्नागिरीचे अधिकारी महेश साखळकर यांनी केले.
मागासवर्गीय एज्युकेशन सोसायटी संचलित तालुक्यातील आप्पासाहेब पटवर्धन माध्यमिक विद्यालय मांडकुली-केरवडे या शाळेस सीएसआर फंडातून दिलेल्या मिनी सायन्स लॅब तसेच विद्यार्थी व महिला पालकांना दिलेल्या विविध साहित्य प्रदान कार्यक्रमात श्री. साखळकर बोलत होते. व्यासपीठावर कोकण रेल्वे रत्नागिरीचे पंकज कांबळे, रणजित केसरी, विकास सामंत, संस्थेचे उपाध्यक्ष अर्जुन परब, कार्याध्यक्ष वामन गावडे, सचिव अंकुश जाधव, खजिनदार देवदत्त चुबे, सहखजिनदार करिष्मा भोई, संचालक मोहन भोई, तातू मुळीक, नीलेश सामंत, केशव पेडणेकर, मांडकुली सरपंचा गौतमी कासकर, केरवडे सरपंच श्रीया ठाकूर आदी उपस्थित होते.
मुख्याध्यापक सुरेंद्र खोत यांनी शाळेची प्रगती व गुणवत्तापूर्ण निकाल याबद्दल मत व्यक्त केले. नागवेकर हॉस्पिटल कणकवलीच्या सिस्टर श्रीमती उबाळे व श्रीमती ठाकूर यांनी मुलींना आरोग्य विषयक मार्गदर्शन करून कोकण रेल्वेतर्फे दिलेल्या हायजेनिक किट्सचे वाटप केले. संस्था व विद्यालयातील मुख्याध्यापक, शिक्षक, शिक्षकेतर कर्मचाऱ्यांतर्फे साखळकर यांचा सत्कार संस्था उपाध्यक्ष अर्जुन परब, पंकज कांबळे यांच्या हस्ते सत्कार करण्यात आला. निधी देण्यामध्ये महत्त्वाचे योगदान देणारे रिजनल रेल्वे मॅनेजर शैलेश बापट यांचा सत्कार केरवडे सरपंच श्रीया ठाकूर यांच्या हस्ते झाला. विकास सामंत यांनी विद्यार्थ्यांना बहुमोल असे मार्गदर्शन केले. विद्यालयाचे ज्येष्ठ शिक्षक गिरीश सरवटे यांनी परिचय केला. अनिल गोवेकर यांनी सूत्रसंचालन केले. संस्था सचिव अंकुश जाधव यांनी आभार मानले.
---
संगणक, सायकली, ग्रंथालयास पुस्तके
कोकण रेल्वे रत्नागिरीच्या सीएसआर फंडातून दिलेल्या मिनी सायन्स लॅबचे उद्घाटन श्री. साखळकर यांच्या हस्ते करण्यात आले. तसेच विद्यालयास एक संगणक व प्रिंटर, गरजू विद्यार्थिनींना दहा सायकली, ग्रंथालयासाठी सुमारे १० हजारांची पुस्तके, ५० गरजू महिला पालकांसाठी प्रत्येकी १ हजाराचे गृहोपयोगी साहित्य व सर्व विद्यार्थिनींना आरोग्य विषयक किट्सचे वितरण करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.