-rat२८p१०.jpg-
२५N७३७५९
केतन दुधाणे
-----
भडकंबा उपसरपंचपदी दुधाणे
साखरपा, ता. २: नजीकच्या भडकंबा गावाच्या उपसरपंचपदी केतन दुधाणे यांची एकमताने निवड करण्यात आली आहे. विद्यमान उपसरपंच बापू शिंदे यांनी राजीनामा दिल्यामुळे हे पद रिक्त झाले होते.
दुधाणे हे युवा नेतृत्व म्हणून परिसरात परिचित आहेत. साखरपा गावात मेडिकल व्यावसायिक म्हणून कार्यरत असताना त्यांनी युवासेनेचे कार्यकर्ते म्हणून राजकीय कारकिर्दीला प्रारंभ केला. गावात विविध योजनांचा लाभ त्यांनी अनेक ग्रामस्थांना मिळवून दिला आहे. दुधाणे यांची उपसरपंचपदी झालेल्या निवडीबद्दल माजी सभापती जयसिंग माने, जिल्हा परिषद माजी सदस्य बापू शेटये, सरपंच सिद्धी कदम, शेखर आक्टे, सदस्य संतोष जामसंडेकर, अंतरा भोसले, तंटामुक्ती अध्यक्ष रवींद्र दुधाणे, बापू शिंदे आदींनी त्यांचे अभिनंदन केले.
---