swt242.jpg
75023
मुंबईः भाजप प्रदेशाध्यक्ष रवींद्र चव्हाण यांना शुभेच्छा देताना आमदार दीपक केसरकर, सचिन वालावलकर.

भाजप प्रदेशाध्यक्ष चव्हाण यांना
आमदार केसरकरांकडून शुभेच्छा
सकाळ वृत्तसेवा
वेंगुर्ले, ता. २ ः सिंधुदुर्ग जिल्ह्याचे सुपुत्र रवींद्र चव्हाण यांची भाजपच्या प्रदेश अध्यक्षपदी निवड झाल्याबद्दल आमदार दीपक केसरकर यांनी मुंबई येथील भाजप प्रदेश कार्यालयात त्यांची भेट घेत शुभेच्छा दिल्या.
यावेळी श्री. केसरकर म्हणाले की, गेली अनेक वर्षे राजकारणात असलेले कल्याण-डोंबिवलीचे आमदार चव्हाण हे मूळचे सिंधुदुर्ग जिल्ह्याचे रहिवासी आहेत. सिंधुदुर्गाचे पालकमंत्री म्हणून त्यांनी उत्तम कार्य केले आहे. त्यांची महाराष्ट्र भाजपच्या सर्वोच्च पदावर निवड झाली असल्याने जिल्ह्याच्या विकासाला अजून चांगली साथ मिळणार आहे. आपल्या पदाचा योग्य उपयोग करून ते जिल्ह्यासाठी विविध मंत्रालयांतर्फे निश्चितच पुरेसा निधी देण्यासाठी प्रयत्न करतील. भाजप हा आमचा मित्र पक्ष आहे. त्यामुळे भाजपच्या प्रदेशाध्यक्षाचे अभिनंदन करणे हे आमचे कर्तव्य आहे, असे सांगितले. त्यांच्यासोबत शिवसेनेचे जिल्हा समन्वयक सचिन वालावलकर उपस्थित होते.