खानूत चारसुत्रीचे
प्रात्यक्षिक
पावस ः रत्नागिरी तालुक्यातील खानू येथे कृषिदिनानिमित्त सेंद्रिय पद्धतीने ०.२० हे क्षेत्रावर चारसूत्री भात लागवड करण्यात आली. या वेळी शेतकरी संभाजी सुवारे, श्रीमती सुवारे, सौरभ सुवारे आणि परिसरातील शेतकरी उपस्थित होते. या वेळी खरीप पीक स्पर्धक म्हणून संभाजी सुवारे यांची निवड करण्यात आली. तसेच हळद लागवड प्रात्यक्षिक घेण्यात आले. या वेळी सागर सांगवे, कल्याणकर उपस्थित होते.

डाफळेमध्ये वृक्षदिंडी
पावस ः लांजा तालुक्यातील भांबेड कृषी मंडळ कार्यालयांतर्गत डाफळे येथे कृषी विभाग व पंचायत समिती आणि देवधे येथील कृषी विज्ञान केंद्रातर्फे कृषिदिन साजरा करण्यात आला. कार्यक्रमाला सरपंच आकांक्षा गुरव, उपसरपंच राम डाफळे, तहसीलदार ढोले, उपविभागीय कृषी अधिकारी फिरोज शेख, तालुका कृषी अधिकारी शेलार आदी उपस्थित होते. विद्यार्थी व शेतकऱ्यांच्या सहभागाने वृक्षदिंडी काढण्यात आली. या प्रसंगी नैसर्गिक शेतीमिशन कार्यक्रमांतर्गत जीवामृत तयार करण्याबाबत प्रात्यक्षिकासह माहिती देण्यात आली. त्यानंतर रानभाज्यांची ओळख होण्यासाठी भाज्यांची मांडणी करण्यात आली होती तसेच बचतगटांनी नाचणीपासून बनवलेले पदार्थ मांडण्यात आले. राम डाफळे यांच्या शेतामध्ये चारसूत्री पद्धतीने भातलावणी करण्यात आली.