-RATCHL१४७.JPG-
२५N७७४७०
चिपळूण ः पंचायत समितीच्या सभागृहात सरपंचपदाच्या आरक्षणाची चिठ्ठी उचलताना विद्यार्थिनी.
--------------
सक्षम ग्रामपंचायतीत सरपंचपदासाठी चुरस
सर्वाधिक जागांवर सर्वसाधारण ; १३० ग्रामपंचायतींसाठी सोडत
सकाळ वृत्तसेवा
चिपळूण, ता. १४ ः येथील पंचायत समितीच्या छत्रपती शिवाजी महाराज सभागृहात तहसीलदार प्रवीण लोकरे यांच्या अध्यक्षतेखाली तालुक्यातील १३० ग्रामपंचायतींच्या सरपंचपदाची आरक्षण सोडत काढण्यात आली. तालुक्यातील बहुतांशी श्रीमंत ग्रामपंचायतीत सरपंचपद सर्वसाधारण गटासाठी राहिल्याने येथील सरपंचपदाची लढत रंगतदार होण्याची शक्यता बळावली आहे.
तालुक्यातील विविध राजकीय पदाधिकारी, सरपंच, माजी सरपंच व ग्रामपंचायत पदाधिकाऱ्यांच्या उपस्थितीत सरपंचपदाची सोडत काढण्यात आली. यामध्ये अनुसूचित जाती प्रवर्गासाठी ३ तर अनुसूचित जाती महिलांसाठी २ आणि अनुसूचित जाती जमाती महिलांसाठी एक ग्रामपंचायत राखीव ठेवण्यात आली आहे. सर्वसाधारण गटातील महिलांना ४३ ग्रामपंचायतीत संधी मिळणार आहे तसेच सर्वसाधारणसाठीही तेवढ्याच ग्रामपंचायती असल्यामुळे तिथे उमेदवारी मिळवण्यासाठी मोठी चुरस पाहायला मिळणार आहे. येत्या काही महिन्यांत तालुक्यातील बहुतांशी ग्रामपंचायतीच्या निवडणुका होणार आहेत. सध्या जाहीर झालेले सरपंचपदाचे आरक्षण २०२५-३० या पाच वर्षासाठी लागू झाले आहे. सरपंचपदासाठी इच्छुक असलेल्या उमेदवारांनी मोर्चेबांधणीला सुरुवात केली आहे.

चौकट
प्रवर्गनिहाय आरक्षण
* अनुसूचित जाती प्रवर्ग ः पालवण, दळवटणे, खडपोली
* अनुसूचित जाती (महिला) ः टेरव, वेहेळे
* अनुसूचित जाती जमाती (महिला) ः डेरवण
* नागरिकांचा मागास प्रवर्ग ः देवखेरकी, कुशिवडे, नायशी, नांदिवसे, तुरंबव, ताम्हणमळा, ढाकमोली, निर्व्हाळ, मूर्तवडे, वीर देवपाट, तळसर, शिरगांव, कालुस्ते बुद्रुक, सावर्डे, हडकणी, कळंबस्ते.
* नागरिकांचा मागास प्रवर्ग (महिला राखीव) ः असुर्डे, तिवरे, कादवड, नारदखेरकी, बामणोली, मालघर, रावळगांव, खोपड, गांग्रई, तळवडे, रिक्टोटो, अनारी, वालोपे, कापसाळ, तनाळी, रामपूर, कुडप, धामणवणे.
* सर्वसाधारण (महिला राखीव) ः येगांव, आगवे, नांदगाव खुर्द, मांडकीखुर्द, आंबतखोल, कळकवणे दादर, निरबाडे, नवीन कोळकेवाडी, गुळवणे, कात्रोळी, चिवेली लोणारी बंदर, मार्गताम्हाणे, गोंधळे, पाचाड, गुढे, डुगवे, पिलवलीतर्फे वेळंब, आबिटगांव, वहाळ, मुंढेतर्फे चिपळूण, कुंभार्ली, पोफळी, रेहेळवैजी, पोसरे, धामेलीकोंड, करंबवणे, केतकी, दुर्गवाडी, कळवंडे, फुरूस, कुटरे, मार्गताम्हाणे खुर्द, वाघिवरे, कोंडमळा, खरवते, चिंचघरी, मिरजोळी, बोरगांव, नागावे, कान्हे, तोंडली, मुंडेतर्फे सावर्डे, कळमुंडी.
* सर्वसाधारण ः कोकरे, खेरशेत, ओवळी, तिवडी, आकले, पिंपळीखुर्द, पिंपळीबुद्रुक, गाणे, अडरे, खेर्डी, खांदाटपाली, कोंढे, कामथे, कामथेखुर्द, परशुराम, पेढे, ढोक्रवली, ओमळी, उभळे आगरगांव, उमरोली, शिरवली, पिलवलीतर्फे सावर्डे, खांडोत्री, अलोरे, कोंडफणसवणे, दोणवली, कालुस्ते खुर्द, भिले, कापरे, बिवली, मालदोली, कोसबी, दहिवली खुर्द, दहिवली बुद्रुक, मांडकी बुद्रुक, मोरवणे, कौंढरताम्हाणे, कळंबट, पेढांबे, कोळेवाडी, निवळी, वालोटी, मिरवणे, वडेरू आणि नांदगाव.