- rat१६p१४.jpg-
P२५N७७८८५
सावर्डे : आठवी व नववी मधून प्रथम क्रमांक आदिती शेंडगे व स्वरा खातु यांच्या पालकांचे अभिनंदन करताना प्राचार्य राजेंद्र वारे.

पालक-शिक्षक संघाची
निकम विद्यालयात स्थापना
सकाळ वृत्तसेवा
सावर्डे, ता. १६ ः येथील गोविंदराव निकम माध्यमिक व उच्च माध्यमिक विद्यालयात झालेल्या पालक-शिक्षक सभेत वर्षभरातील परीक्षा व विविध दाखले यांची माहिती दिली. याप्रसंगी पालक-शिक्षक संघाची स्थापनाही करण्यात आली.
विद्यालयात झालेल्या या सभेत अमित साळवी यांनी पालकांचे स्वागत केले. तर मंगेश दाते यांनी शाळेतील विविध शैक्षणिक व सहशालेय उपक्रमांची माहिती पालकांना दिली. उपप्राचार्य विजय चव्हाण यांनी शालेय शिस्त, उपक्रम, आणि विद्यार्थ्यांच्या सर्वांगीण विकासासाठी राबविण्यात येणाऱ्या योजनांची सविस्तर माहिती दिली. याप्रसंगी मार्गदर्शन करताना प्राचार्य राजेंद्र वारे यांनी मोबाईल वापराचे दुष्परिणाम अधोरेखित करत पालकांनी विद्यार्थ्यांच्या मोबाईल वापरावर नियंत्रण ठेवा, असे आवाहन केले. तसेच विद्यालयातील दहावी, बारावी, एनएमएमएस., शिष्यवृत्ती व इतर बाह्य परीक्षांच्या उत्तम निकालांची माहिती दिली. विद्यार्थ्यांच्या गुणवत्तावृद्धीसाठी शाळा सातत्याने प्रयत्नशील असून पालकांचे सहकार्य आवश्यक आहे, असेही वारे यांनी सांगितले. .