78756

अनुष्का कदम यांना
‘बेस्ट पेपर प्रेझेंटेशन’
मालवण : ‘ॲनेट असोसिएशन ऑफ इंग्लिश टीचर्स ऑफ इंडिया’मार्फत आंतरराष्ट्रीय इंग्रजी कॉन्फरन्स- २०२५ नुकतीच घेण्यात आली. स्पर्धेत बिळवस माध्यमिक विद्यालयाच्या उपक्रमशील शिक्षिका अनुष्का कदम यांच्या शोध पेपरला ‘बेस्ट पेपर प्रेझेंटेशन अॅवॉर्ड’ घोषित करण्यात आला. सौ. कदम यांनी या आंतरराष्ट्रीय परिषदेत ‘रोल ऑफ रॅपर इन इंडिया लँग्वेज डेव्हलपमेंट’ विषयावर ॲक्शन पेपर सादर केला होता. ॲनेट असोसिएशन ऑफ इंग्लिश टीचर्स ऑफ इंडिया ही संस्था इंग्रजी विषयाचा प्रचार आणि प्रसार करणारी देशातील एकमेव संस्था आहे. या संस्थेने आयोजित केलेल्या इंटरनॅशनल कॉन्फरन्स स्पर्धेत निवडक व उपक्रमशील अशा ७० शिक्षकांनाच सहभागी करून घेतले होते. या स्पर्धेत अनुष्का कदम यांनी यश प्राप्त केले. त्यांच्या या यशाबद्दल बिळवस ग्रामसेवा शिक्षण मंडळाचे अध्यक्ष सूर्यकांत पालव, सचिव अशोक पालव, मुख्याध्यापक जयवंत ठाकूर यांनी अभिनंदन केले.