79864

कोळोशी-हडपिडमध्ये विद्यार्थ्यांना वह्या वाटप

नांदगाव, ता. २५ ः मुख्यमंत्री देवेंद्र फडणवीस यांच्या वाढदिवसानिमित्त जिल्हा परिषद शाळा कोळोशी वरचीवाडी, जिल्हा परिषद शाळा कोळोशी हडपिड व माध्यमिक शिक्षण शाळा कोळोशी-हडपिडच्या विद्यार्थ्यांना कणकवली माजी सभापती मनोज रावराणे यांच्या वतीने वह्या वाटप केल्या.
यावेळी कणकवली तालुका भाजप सरचिटणीस पंढरी वायंगणकर, कोळोशी सरपंच गुरुनाथ आचरेकर, शाळा समिती अध्यक्ष कीशोर राणे, मुख्याध्यापिका सौ.अश्विनी गर्जे, मुख्याध्यापिका सौ. तेली, मुख्याध्यापिका सौ. तांबे, माजी सरपंच सुशील इंदप, श्रीमती सुचिता पोकळे, उत्तम सावंत, मंगेश इंदप, सदानंद पावसकर, शामराव परब, सौ. मुंडे आदी उपस्थित होते.
श्री. वायंगणकर यांनी आपल्या शाळेत विद्यार्थ्यांना ज्या काही समस्या असतील, त्या पालकमंत्री नीतेश राणे यांच्या माध्यमातून नक्की सोडविण्याचा प्रयत्न राहील, असे सांगितले. यावेळी कोळोशी-हडपिड हायस्कूलमध्ये सध्या ५३ विद्यार्थी असून, सायंकाळी आयनलला जाणारी एसटी अनेकवेळा सायंकाळी ७ वाजले तरी येत नाही. यामुळे विद्यार्थ्यांचे हाल होतात, असे चेअरमन किशोर राणे व मुख्याध्यापिका गर्जे यांनी निदर्शनास आणून दिल्यानंतर श्री. वायंगणकर यांनी याबाबत पालकमंत्री राणे यांच्याशी बोलून ही गैरसोय नक्की दूर करण्याचे आश्वासन दिले. यावेळी सरपंच गुरुनाथ आचरेकर, चेअरमन किशोर राणे यांनी मनोगत व्यक्त केले. कार्यक्रमाचे सूत्रसंचलन व आभार सौ. अश्विनी गर्जे यांनी केले.