- rat२६p१९.jpg
२५N८००९४
-राजापूर ः शीळे येथे शाळेमध्ये झालेल्या हस्ताक्षर सुधार उपक्रमाच्या वह्यावाटपाच्यावेळी मुलांसमवेत बी. के. गोंडाळ.

‘जुवाठी’त हस्ताक्षर सुधार कार्यक्रम
बी. के. गोंडाळ यांचा उपक्रम ; ११५ विद्यार्थी सहभागी
सकाळ वृत्तसेवा
राजापूर, ता. २६ : तालुक्यातील जुवाठी येथील माध्यमिक विद्यालयाचे साहाय्यक शिक्षक बी. के. गोंडाळ यांच्यातर्फे विद्यार्थ्यांसाठी हस्ताक्षर सुधार कार्यक्रम राबवला जात आहे. त्यात कोंढेतड गाडगीळवाडी, शीळ शाळा क्र. १, कन्याशाळा व केंद्रशाळा गुजराळी या चार प्राथमिक शाळांमधील सुमारे ११५ विद्यार्थी सहभागी झाले आहेत.
डिजिटल युगात हस्ताक्षराचे महत्त्व अद्यापही कमी झालेले नाही. त्यामुळे हस्ताक्षर सुंदर असावे व त्याची सवय शिक्षकांच्या मार्गदर्शनाने बालवयातच लागावी यासाठी गोंडाळ यांनी तालुक्यातील प्राथमिक, माध्यमिक शाळांमध्ये त्यांच्या आईच्या स्मरणार्थ स्वखर्चाने हा उपक्रम राबवत आहेत. कोंढेतड गाडगीळवाडी, शीळ शाळा क्र. १, कन्याशाळा व केंद्रशाळा गुजराळी या शाळांमधील सुमारे ११५ विद्यार्थी या उपक्रमामध्ये सहभागी झाले आहेत. त्यासाठी त्यांनी आपल्या मित्रपरिवाराच्या सहकार्याने स्वतंत्र वहीची छपाई केली आहे. ती वही एका शाळेतील २०-३० विद्यार्थ्यांना त्या वहीच्या माध्यमातून मोफत दिली जाते. सोबत सरावाकरिता अभ्यास दिला जातो. गोंडाळ यांच्यावतीने राबवण्यात येत असलेल्या या उपक्रमाचे सर्व स्तरातून कौतुक केले जात आहे.