80326

देवगड केळकर महाविद्यालयात
अर्थशास्त्र कार्यशाळेस प्रतिसाद

सकाळ वृत्तसेवा
देवगड, ता. २७ ः येथील स. ह. केळकर महाविद्यालयामधील अर्थशास्त्र विभाग आणि अर्थशास्त्र अभ्यास मंडळ, मुंबई विद्यापीठ यांच्या संयुक्त विद्यमाने अर्थशास्त्र या विषयाची एकदिवसीय कार्यशाळा विविध मान्यवरांच्या उपस्थितीत महाविद्यालयात झाली.
राष्ट्रीय शैक्षणिक धोरण २०२० नुसार यंदापासून बदललेल्या द्वितीय वर्ष कला शाखेच्या अर्थशास्त्र या विषयाची एकदिवसीय कार्यशाळा महाविद्यालयामधील ग्रंथालय सभागृहात झाली. याची सुरुवात संस्था सहकार्यवाह विश्वामित्र खडपकर यांनी दीपप्रज्वलन करून केली. याप्रसंगी महाविद्यालयाचे प्रभारी प्राचार्य विजयकुमार कुनुरे, उपप्राचार्य प्रा. श्रीकांत सिरसाठे, कनिष्ठ महाविद्यालयाचे उपप्राचार्य शरद शेटे, बालाजी सुरवसे, अरुण जाधव, श्री. लोखंडे, श्री. चव्हाण आदी उपस्थित होते. श्री. खडपकर यांनी कार्यशाळेसाठी शुभेच्छा दिल्या. या कार्यशाळेसाठी रत्नागिरी आणि सिंधुदुर्ग जिल्ह्यांतील विविध महाविद्यालयांतील अर्थशास्त्र विभागाचे प्राध्यापक उपस्थित होते. अरुण जाधव यांनी उपस्थित प्राध्यापक आणि विद्यार्थ्यांना द्वितीय वर्ष कला शाखेचा अर्थशास्त्र विषय निवड आणि बदललेल्या अभ्यासक्रमासंदर्भात मार्गदर्शन केले. स्वागत श्री. कुनुरे आणि प्रा. सिरसाठे यांनी केले. अर्थशास्त्र विभागप्रमुख प्रा. प्रल्हाद कांबळे यांनी सूत्रसंचालन केले. प्रा. प्रशांत राऊत यांनी आभार मानले.