81660

शेखर परब यांचा पुणे येथे सत्कार
बांदा, ता. २ ः पुणे येथील हिमगिरी विद्यालय विद्यानगरमध्ये आयोजित शिक्षक सेवापूर्ती सोहळा व माजी विद्यार्थी मेळाव्यात डोंगरपाल येथील शेखर परब यांना त्यांच्या सामाजिक कार्याबद्दल सन्मानपत्र देऊन गौरविले. पुणे शहरात सामाजिक कार्य करणाऱ्या शाळेच्या माजी विद्यार्थ्यांचा गौरव सोहळा पार पडला. परब यांनी पुणे शहरात सिंधुदुर्गवासीयांसाठी गेली अनेक वर्षे विविध उपक्रम राबविले आहेत. शैक्षणिक मदतीसाठी ते कायम पुढे असतात. कोरोना काळात गरजूंना मदत, गणेशोत्सवात चाकरमान्यांना ज्यादा बसची सोय, कोकणवासीयांसाठी वधू-वर मेळाव्यासह अनेक सामाजिक व शैक्षणिक उपक्रमात ते अग्रेसर असतात. त्यांच्या कार्याची दखल घेऊन त्यांना सन्मानित करण्यात आले. यावेळी शाळेच्या माजी प्राचार्य सौ. सुरवसे, शिक्षक यज्ञकांत ढगे, दत्तात्रय बांडे, जयकर गवाळे, बाबाजी काळे व इतर शिक्षक उपस्थित होते. कार्यक्रम यशस्वी करण्यासाठी दिनेश चौधरी, गौतम जाधव, संतोष दाभाडे, हेमंत दाभाडे, अनिता घोडे, प्रियांका कदम व अन्य माजी विद्यार्थ्यांनी मेहनत घेतली. शेखर परब यांचे सिंधुदुर्गवासीयांमधून अभिनंदन होत आहे.