-rat२p१९jpg-
P२५N८१६८१
रत्नागिरी ः लोणावळा येथे राज्यस्तरीय ग्रामरत्न सरपंच पुरस्कार सोहळ्यात संजय निवळकर यांना ग्रामरत्न सरपंच पुरस्कार देऊन सन्मानित करण्यात आले.
------
संजय निवळकरांना ग्रामरत्न सरपंच पुरस्कार
रत्नागिरी, ता. २ : लोणावळा येथे अखिल भारतीय सरपंच परिषद व जयंतराव पाटील मित्रमंडळातर्फे राज्यस्तरीय ग्रामरत्न सरपंच पुरस्कार सोहळा झाला. सोहळ्यात अखिल भारतीय सरपंच परिषदेद्वारे निवळीचे उपसरपंच संजय निवळकर यांना ग्रामरत्न सरपंच पुरस्कार देऊन सन्मानित करण्यात आले.
कार्यक्रमाला रयत शिक्षण संस्थेचे अध्यक्ष, यशदाचे माजी महासंचालक चंद्रकांत दळवी, प्रसिद्ध इतिहास संशोधक श्रीमंत कोकाटे आदी हजर होते. सन्मानानंतर उपसरपंच संजय निवळकर म्हणाले, खऱ्या अर्थाने हा सन्मान गावच्या विकासात भर घालणारा आहे. हा सन्मान माझा नसून, आमच्या सर्व ग्रामपंचायत सदस्यांचा व ग्रामस्थांचा आहे. खऱ्या अर्थाने गावचा सर्वांगीण विकास करणे हे एकच माझ्यासमोर उद्दिष्ट आहे. मिळालेल्या पुरस्कारामुळे मला नेहमीच प्रेरणा मिळेल.