81719
शिरीष गवस

‘रेड सॉईल स्टोरीज’ फेम
शिरीष गवस यांचे निधन
कणकवली, ता. २ ः रेड सोईल स्टोरीज फेम शिरीष गवस (वय ३२) यांचे गोवा मेडिकल कॉलेज (गोमेकॉ) येथील रुग्णालयात उपचारादरम्यान निधन झाले. त्यांच्या ब्रेन ट्यूमरवर गेले पंधरा दिवस तेथे उपचार सुरू होते.
मुंबई येथील नोकरी, व्यवसाय सोडून सिंधुदुर्गमध्ये शिरीष आणि पूजा गवस स्थायिक झाले होते. कोकण खाद्य संस्कृती, सण, रूढी-परंपरा या गोष्टी ‘रेड सॉईल स्टोरीज’च्या माध्यमातून जगापुढे आणत होते. त्यांना यासाठी अनेक पुरस्कार प्राप्त झाले होते. मूळ दोडामार्ग तालुक्यातील तिलारी प्रकल्पातील पाटये गावचे रहिवासी आणि सध्या पाटये पुनर्वसन सासोली येथे राहणारे, निवृत्त नायब तहसीलदार सत्यवान तथा एस. व्ही. गवस यांचे ते पुत्र होत. पत्रकार विजय गांवकर यांच्या पुतणीचे ते पती होत. त्यांच्या मागे आई, बाबा, पत्नी, बहीण आणि एक वर्षाची मुलगी आहे. ‘रेड सॉईल स्टोरीज’च्या माध्यमातून शिरीष आणि पूजाचा सुखी संसाराचा डाव अर्ध्यावर मोडला, अशी भावना शोकाकुलपणे सर्वत्र व्यक्त होत आहे.