काही सुखद----लोगो
- rat५p१०.jpg-
P२५N८२२४०
राजापूर ः खरवते हायस्कूलच्या विद्यार्थिनीला शैक्षणिक साहित्य देताना माय राजापूरचे हृषिकेश कोळेकर, जगदीश पवार, संदीप देशपांडे आदी.
---
राजापूरमधील विद्यार्थ्यांना शैक्षणिक साहित्य
माय राजापूर संस्थेचा पुढाकार ;रोख पारितोषिक
सकाळ वृत्तसेवा
राजापूर, ता. ५ ः माजी नगराध्यक्ष सुरेश कोळेकर यांच्या अमृत महोत्सवी वाढदिवसानिमित्त जमलेले शैक्षणिक साहित्य माय राजापूर या सामाजिक संस्थेच्या माध्यमातून तालुक्यातील विविध शाळांमधील गरजू विद्यार्थ्यांना वितरित करण्यात आले. त्याचा लाभ ३७ विद्यार्थ्यांनी घेतला.
माजी नगराध्यक्ष कोळेकर यांचा अमृत महोत्सवी वाढदिवस साजरा करण्यात आला. वाढदिवसाला शुभेच्छा देण्यासाठी हितचिंतकांनी पुष्पगुच्छ, किंमती वस्तूभेट न आणता शालेय मुलांना उपयोगी पडेल, असे शैक्षणिक साहित्य भेट आणावे असे आवाहन केले होते. त्याला सर्वांनी उत्स्फूर्त प्रतिसाद दिला. वाढदिवसानिमित्त जमलेले शैक्षणिक साहित्य वितरण करण्याची जबाबदारी माय राजापूर या सामाजिक संस्थेने घेतली होती. त्याप्रमाणे संस्थेतर्फे हे साहित्य नुकतेच हायस्कूलमध्ये जाऊन वितरित करण्यात आले. त्यामध्ये राजापूर हायस्कूलचे २२ विद्यार्थी, शिवणेखुर्द येथील उत्कर्ष विद्यामंदिरचे ५ विद्यार्थी, वडवली हायस्कूलमधील ५, खरवते उत्कर्ष विद्यामंदिरच्या ५ विद्यार्थ्यांचा समावेश आहे. राजापूर हायस्कूलमधील पाचवी व आठवी शिष्यवृत्ती गुणवत्ता यादीत आलेल्या तीन विद्यार्थ्यांना रोख पारितोषिक देण्यात आले. या वेळी माय राजापूरचे पवार यांच्यासह संदीप देशपांडे, हृषिकेश कोळेकर यांसह अन्य पदाधिकारी उपस्थित होते.