-rat९p१६.jpg, rat९p१७.jpg-
P२५N८३२४६, P२५N८३२४७
संगमेश्वर ः पैसा फंड प्रशालेत श्रावण शनिवारनिमित्त आयोजित कार्यक्रमात कलाविष्कार सादर करताना विद्यार्थिनी.
-----
पैसा फंड प्रशालेत झिम्मा, फुगडीसह टिपऱ्यांचा आवाज
श्रावण शनिवार ; विविध खेळांतून संस्कृतीचे सादरीकरण
सकाळ वृत्तसेवा
संगमेश्वर, ता. ९ ः शाळेत केवळ पुस्तकी ज्ञान न देता मुलांना संस्कृती रक्षणाचे शिक्षण आणि माहिती देणं सध्याच्या काळात खूप गरजेचे बनले आहे. व्यापारी पैसाफंड संस्थेच्या पैसाफंड इंग्लिश स्कूल संगमेश्वरने आज आगळावेगळा आनंददायी श्रावण शनिवार साजरा करून मुलांना श्रावणातील प्रथापरंपरांनी अवगत केले. झिम्मा, फुगड्या, टीपऱ्या, मंगळागौरसारख्या विविध प्राचीन आणि पारंपरिक खेळांचे सादरीकरण करत उपस्थित सर्वांची वाहवा आणि शाब्बासकी मिळवली.
प्रशालेत ‘श्रावणधारा’ या श्रावण महिन्याचे सांस्कृतिक महत्त्व पटवून देणाऱ्या खास कार्यक्रमाचे आयोजन करण्यात आले होते. संस्था सचिव धनंजय शेट्ये यांनी श्रावण महिन्यातील स्त्रियांच्या विविध खेळांचा उद्देश आणि या खेळांचे महत्त्व विषद केले.
श्रावणधारा कार्यक्रमात झिम्मा, फुगडी, टिपरी नृत्य, गोफ विणणे, बसफुगडी, मंगळागौरीतील अन्य खेळ तसेच उद्बोधनपर कार्यक्रम सादर करून स्वतःमधील कलांचे उत्तम प्रदर्शन केले. प्रशालेच्या सर्व वर्गातील सुमारे २५० मुलींनी श्रावणधारा कार्यक्रमात भाग घेऊन स्वतःमधील कलाविष्कार सादर केला. कार्यक्रमाच्या यशस्वितेसाठी मुख्याध्यापक सचिनदेव खामकर यांच्या मार्गदर्शनाखाली शिक्षिकांसह सर्व शिक्षक – शिक्षकेतर कर्मचाऱ्यांनी विशेष मेहनत घेतली.