83392

कवठणी पाराचीवाडी
अंगणवाडीत रक्षाबंधन
सकाळ वृत्तसेवा
आरोंदा, ता. ११ ः कवठणी येथील पाराचीवाडी अंगणवाडीत नावीन्यपूर्ण उपक्रम अंगणवाडी सेविका आरती कोरगावकर आणि सहकारी मदतनीस हर्षाली पार्सेकर यांनी राबविला.
अंगणवाडीतील चिमुकल्यांना बहीण-भावाच्या अतूट नात्याची माहिती देत रक्षाबंधन सण साजरा केला. यावेळी अंगणवाडीतील मुले काव्या कवठणकर, प्रांश कवठणकर, स्वरुप सुतार, प्रियांगी कवठणकर, स्वरा कवठणकर, पूर्वी हळदणकर उपस्थित होते. विद्यार्थिनींनी मुलांच्या हातावर राखी बांधून रक्षाबंधन केले. अंगणवाडी सेविका कोरगावकर यांनी राबविलेल्या या उपक्रमाबद्दल ग्रामस्थांनी व पालकांनी समाधान व्यक्त केले.
...........................
83393

शिडवणे शाळेत
''कथ्थक''चे धडे
सकाळ वृत्तसेवा
तळेरे, ता. ११ : जिल्हा परिषद पूर्ण प्राथमिक शाळा शिडवणे क्र. १ शाळेत ‘आनंददायी शनिवार’ उपक्रमांतर्गत कथ्थक नृत्य कार्यशाळेचे आयोजन करण्यात आले. या कार्यशाळेला विद्यार्थिनींचा उत्स्फूर्त प्रतिसाद लाभला. बाल नृत्य दिग्दर्शिका स्वानंदी कुबल यांनी कथ्थक नृत्याचे धडे दिले. यामध्ये त्यांनी गुरुवंदना, प्रारंभिक परीक्षेसाठी आवश्यक असणारे ''तोडे'' आणि तालबद्ध हालचाली यांचे प्रात्यक्षिक करून घेतले. स्वानंदीने स्वतः सुंदर सादरीकरण करून सर्व विद्यार्थिनींना नृत्यामध्ये सहभागी करून घेतले. यावेळी उपमुख्याध्यापिका सीमा वरुणकर, उपशिक्षक सुरेंद्र यादव यांनी मनोगत व्यक्त करत स्वानंदी आणि विद्यार्थिनींचे कौतुक केले. अशा उपक्रमांमुळे मुलांना कलेची आवड निर्माण होते आणि त्यांच्या सुप्त गुणांना वाव मिळतो, असे मत त्यांनी व्यक्त केले. मुख्याध्यापक कुबल यांनी आभार मानले.