83438

कुडाळ लक्ष्मीनारायण पेट्रोलियमला
सर्वाधिक विक्रीसाठी तीन पुरस्कार

कुडाळ, ता. ११ ः इंडियन ऑईल गोवा डिव्हीजनल ऑफिस अंतर्गत असणाऱ्या सिंधुदुर्ग सेल्स एरियामधून श्री लक्ष्मीनारायण पेट्रोलियम कुडाळ यांना सर्वाधिक जास्त पेट्रोल, डिझेल तसेच एक्स्ट्रा ग्रीन डिझेल विक्री केल्याबद्दल तीन पुरस्कारांनी सन्मानित करण्यात आले. ही निवड २०२४-२५ या वर्षातील कोल्हापूर आणि सिंधुदुर्ग या दोन जिल्ह्यांतील सर्वाधिक विक्री करण्यात येणाऱ्या पंपांमधून करण्यात आली
इंडियन ऑईल कॉ. लि. गोवा डिव्हीजन ऑफिस गोवा यांचा पुरस्कार वितरण सोहळा शुक्रवारी (ता. ८) येथील ‘कोकोनट हॉटेल’ येथे झाला. यावेळी सिंधुदुर्ग, कोल्हापूर आणि रत्नागिरी या तीन जिल्ह्यांतील पंप डिलर उपस्थित होते. यावेळी २०२४-२५ या वर्षातील सर्वोत्तम सेल करणाऱ्या पेंद्रोल पंप डिलरना पुरस्कार देऊन गौरविण्यात आले. इंडियन ऑईल गोवा डिव्हीजनल रिटेल सेल्स हेड मधुरेंद्र पांडे, सीनियर मॅनेजर श्री. शाहीन, नीलेश ठाकरे, रोहित कांबळे, शुभम सागवेकर, विकाल सैनी आदी उपस्थित होते. पालव पेट्रोलियम हुमरमळा यांना सर्वाधिक एक्स्ट्रा पॉवर कार्यविक्री तसेच देवगड तालुका खरेदी-विक्री संघ यांना सर्वाधिक डिझेल विक्री वाढ आणि श्री मंगल एजन्सी राजापूर यांना सर्वाधिक ऑईल विक्रीसाठी गौरविण्यात आले. नीलेश ठाकरे यांनी आभार मानले.