कोकण रेल्वेमार्गावर
जादा गाडी धावणार
कणकवली, ता. १० ः कोकण रेल्वेमार्गावर जादा रेल्वेगाडी धावणार आहे. प्रवाशांची अतिरिक्त गर्दी कमी करण्यासाठी मध्य रेल्वेची ही जादा गाडी आहे. मडगाव ते एलटीटी अशी साप्ताहिक विशेष गाडी धावणार आहे. गाडी क्रमांक ०१५०२ मडगाव जंक्शन ते लोकमान्य टिळक (टी.) साप्ताहिक विशेष १७ ऑगस्ट रोजी दुपारी ४.३० वाजता मडगाव येथून सुटेल. ही गाडी दुसऱ्या दिवशी सकाळी ६ वाजता लोकमान्य टिळक (टी.) येथे पोहोचेल. परतीसाठी गाडी क्रमांक ०१५०१ लोकमान्य टिळक ते मडगाव जंक्शन १७ ऑगस्ट रोजी सकाळी ८. ३० वाजता एलटीटी येथून सुटेल. ही गाडी करमाळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल आणि ठाणे स्टेशनवर थांबेल. या गाडीचे आगाऊ आरक्षण १२ ऑगस्ट रोजी सर्व पॅसेंजर आरक्षण पद्धतीने होईल, असे रेल्वेने कळविले आहे.