swt1023.jpg
83493
जामसंडेः येथे पीएम श्री आदर्श शाळा जोशी विद्यामंदिरमधील विद्यार्थ्यांनी देखावा सादर केला.

हरिनाम सप्ताहानिमित्त
जामसंडेत दिंडी, देखावे
सकाळ वृत्तसेवा
देवगड, ता. ११ः जामसंडे येथील श्री दिर्बादेवी आणि श्री देव रामेश्‍वर मंदिरात हरिनाम सप्ताह उत्साहात सुरू आहे. यानिमित्ताने दिंडीसोबत विविध देखावे सादर करण्यात येत आहेत.
शनिवारी (ता. ९) रात्री जामसंडे येथी पीएम श्री आदर्श शाळा जोशी विद्यामंदिरमधील विद्यार्थ्यांनी देखावा सादर केला. विद्यार्थ्यांची दिंडीही काढण्यात आली. त्याला स्थानिकांकडून प्रतिसाद लाभला. मंदिरात सात दिवसांचा हरिनाम सप्ताह सुरू आहे. यानिमित्ताने मंदिरात हरिनामाचा गजर सुरू असतो. शनिवारी रात्री जामसंडे येथी पीएम श्री आदर्श शाळा जोशी विद्यामंदिरमधील विद्यार्थ्यांची दिंडी होती.
यावेळी मुलींनी ढोल-ताशांच्या गजरासह लेझिमच्या तालावर विविध प्रकार सादर केले. पारंपरिक देखावा देखील सादर करण्यात आला. यावेळी राजश्री मोंडकर, राजेंद्र कांबळे, दिनेश दळवी, सुधा घाडी, निकिता परब आदी उपस्थित होते.
......................
swt1024.jpg
83494
माजगावः येथे आरोग्य शिबिराला प्रतिसाद मिळाला.

आरोग्य शिबिराला
माजगावात प्रतिसाद
सकाळ वृत्तसेवा
सावंतवाडी, ता. ११ः सनोफी आणि पिरॅमल संस्था मॅनेजमेंट अँड रिसर्च इन्स्टिट्यूट व आयुष्यमान आरोग्य माजगाव यांच्यावतीने हिमोग्लोबिन तपासणी व असांसर्गिक आजाराची तपासणी करण्यात आली. या शिबिराला माजगाव येथील ग्रामस्थांचा उत्स्फूर्त प्रतिसाद लाभला.
शिबिर घेण्यासाठी न्यू लाईफ मेडिकल अँड एज्युकेशन ट्रस्ट ख्रिश्चनवाडी माजगाव गरड यांनी जागा उपलब्ध करून दिली. सामाजिक बांधिलकी प्रतिष्ठानच्या सदस्या रुपा मुद्राळे व शरदिनी बागवे यांनी हातभार लावला. डॉ. सुप्रिया धाकोरकर (समुदाय आरोग्य अधिकारी), प्रतिभा परब, आरोग्य सेविका शीला डिमेलो, नेहा सावंत, नम्रता सावंत, अमिषा कुंभार, साहिल मोरजकर यांनी शिबिर यशस्वीरित्या पार पाडले.