83562

आंबोली सैनिक स्कूलमध्ये
ट्रान्सफॉर्मरचे भूमिपूजन
सकाळ वृत्तसेवा
सावंतवाडी, ता. ११ः सिंधुदुर्ग सैनिक स्कूल ॲण्ड ज्युनिअर कॉलेज आंबोली येथे शालेय सुविधा आणि वीजपुरवठा सुधारण्यासाठी सिंधुरत्न योजनेतून नवीन ट्रान्सफॉर्मर मंजूर करण्यात आला. त्याचा भूमिपूजन सोहळा आमदार दीपक केसरकर यांच्या हस्ते झाला.
यावेळी शिवसेना जिल्हाध्यक्ष संजू परब, तालुकाध्यक्ष नारायण राणे, उपशिक्षणाधिकारी रामचंद्र आंगणे (प्राथमिक), सामाजिक कार्यकर्ते दिनेश गावडे, संस्थेचे कार्यकारी अध्यक्ष सुनील राऊळ, उपाध्यक्ष दीनानाथ सावंत, सैनिक पतसंस्थेचे अध्यक्ष बाबुराव कविटकर, संचालक शिवाजी परब, जॉय डॉन्टस, कार्यालयीन सचिव दीपक राऊळ, प्राचार्य नितीन गावडे, आत्माराम गावडे, बाळकृष्ण गावडे, सुनील नार्वेकर, विजय राऊत आदी उपस्थित होते. स्वागत संस्थाध्यक्ष सुनील राऊळ यांनी केले.
सिंधुरत्न योजनेतून शैक्षणिक संस्थांना आवश्यक पायाभूत सुविधा पुरविण्यावर भर दिला जात आहे. या ट्रान्सफॉर्मरमुळे शाळा व ज्युनिअर कॉलेजचा वीजपुरवठा अधिक स्थिर व अखंड राहील, ज्याचा थेट फायदा विद्यार्थ्यांना होईल, असे यावेळी आमदार केसरकर यांनी सांगितले.