83625

कणकवलीत रोपांना राखी
बांधून संवर्धनाचीही शपथ

विद्यामंदिर हायस्कूलमध्ये उपक्रम

कणकवली, ता. ११ ः शहरातील विद्यामंदिर हायस्कूल येथे रक्षाबंधन सणाच्या औचित्‍यावर रोपांना राखी बांधण्यात आली. तसेच वृक्ष संवर्धनाची शपथ घेऊन रक्षाबंधन साजरे करण्यात आले.
दरम्‍यान, रक्षाबंधन सणाच्या औचित्‍यावर राख्यांचे प्रदर्शन झाले. याचे उद्‌घाटन संस्थेचे विश्‍वस्त अनिल डेगवेकर यांनी केले. त्‍यानंतर विद्यार्थ्यांनी या राख्या रोपांना बांधून वृक्ष संवर्धनाची शपथ घेतली. विद्यार्थ्यांनी स्वतः सुंदर राख्या बनवल्याबद्दल आणि त्यांच्यात वृक्ष संवर्धनाची जाणीव निर्माण केल्याबद्दल विद्यार्थांचे व शिक्षकांचे कौतुक केले. या उपक्रमावेळी मुख्याधापक पिराजी कांबळे यांनी रक्षाबंधन सण व पर्यावरण या विषयी विद्यार्थ्यांना मार्गदर्शन केले. प्रशालेचे पर्यवेक्षक अच्युतराव वनवे, शिक्षक वृंद व पालकांनीही उपक्रमाचे कौतुक केले.