- rat११p१.jpg-
P२५N८३६२६
रत्नागिरी ः तालुक्यातील वरवडे येथे आरोग्य शिबिरात दीपप्रज्वलन करताना इनरव्हील क्लब ऋचा गांधी सोबत अन्य मान्यवर.

आरोग्य शिबिरात ७० रुग्णांची तपासणी
वरवडेत आयोजन; विविध रुग्णालयांचा सहभाग
सकाळ वृत्तसेवा
रत्नागिरी, ता. ११ ः कोकण कृषी विद्यापीठाच्या शिरगाव येथील मत्स्य महाविद्यालय व वरवडे येथील श्री चंडिकादेवी मत्स्य शेतकरी उत्पादक सहकारी संस्था (एफएफपीओ), रोटरी क्लब मिडटाउन, जिल्हा शासकीय रुग्णालय, नंदादीप आय हॉस्पिटल, रामनाथ हॉस्पिटल आणि जलजीविका, पुणे यांच्या सहकार्याने तालुक्यातील वरवडे येथे सर्वाइकल, ब्रेस्ट कॅन्सर डिटेक्शन, नेत्र आणि मोतीबिंदू तपासणी तसेच रक्त तपासणी करून मोफत आरोग्य शिबिर उत्साहात झाले.
या शिबिरात ईसीजी, मधुमेह, ब्रेस्ट कॅन्सर, नेत्रतपासणी करण्यात आली. सुमारे ७० रुग्णांनी याचा फायदा घेतला. याच शिबिरात जिल्हा रुग्णालयाकडून मुख्यमंत्री सहाय्यता निधीबद्दल माहिती देण्यात आली. गांधी डिस्ट्रिब्युटरतर्फे औषधे मोफत उपलब्ध करून देण्यात आली होती. या वेळी मत्स्य महाविद्यालयाचे डॉ. सुहास वासावे, डॉ. संदेश पाटील, भालचंद्र नाईक, चिन्मय दामले, डॉ. मोहिते, डॉ. भायजे आणि कर्मचारी उपस्थित होते. शिबिराचे उद्‍घाटन वरवडे गावचे उपसरपंच गजानन हेदवकर यांच्या हस्ते आणि मत्स्य अभियांत्रिकी तंत्रनिकेतनचे प्राचार्य डॉ. केतन चौधरी, प्रमुख अन्वेषक डॉ. सुहास वासावे यांच्या उपस्थितीत झाले.