83926

‘स्वच्छ भारत’ अंतर्गत
‘परुळेबाजार’चे मूल्यांकन
म्हापण, ता. १२ ः परुळेबाजार ग्रामपंचायत येथे भारत सरकारच्या स्वच्छ भारत मिशन सर्वेक्षण शिष्टमंडळाकडून मूल्यमापन करण्यात आले. स्वच्छ सर्वेक्षण २०२५ अंतर्गत स्वच्छता विषयक उपक्रमांचे केंद्राकडून मूल्यमापन सुरू आहे. त्याच अनुषंगाने परुळेबाजार ग्रामपंचायतीमध्ये परीक्षण केले.
यावेळी केदार राऊत यांनी उपक्रमांचे परीक्षण केले. जिल्हा स्वच्छ भारत मिशनचे संदीप पवार, मनीष पडते, प्रवीण कामतेकर आदींसह परुळेबाजार सरपंच प्रणिती आंबडपालकर, उपसरपंच संजय दुधवडकर, माजी सरपंच तथा सदस्य प्रदीप प्रभू, सुनाद राऊळ, ग्रामपंचायत अधिकारी शरद शिंदे, शेखर परुळेकर आदी उपस्थित होते. ग्रामपंचायतीतर्फे शिष्टमंडळाचे पुष्पगुच्छ देऊन स्वागत करण्यात आले. शिष्टमंडळाने तालुकास्तर प्लास्टिक संकलन व प्रक्रिया युनिटला भेट देत माहिती घेतली. मैला गाळ व्यवस्थापन, सांडपाणी प्रक्रिया युनिट याबाबत माहिती घेत पाहणी केली.