-rat१२p१७.jpg-
२५N८३९३६
रत्नागिरी : बियाणी बालमंदिरमध्ये अक्षरांच्या कार्यशाळेत मार्गदर्शन करताना सोमनाथ दुकले.
----
‘बियाणी’मध्ये अक्षरांची कार्यशाळा
सकाळ वृत्तसेवा
रत्नागिरी, ता. १२ : भारत शिक्षण मंडळ संचलित बियाणी बालमंदिरमध्ये पालकांसाठी अक्षरांची कार्यशाळा आयोजित करण्यात आली. यामध्ये सोमनाथ दुकले यांनी मार्गदर्शन केले.
लेखनाला सुरुवात करण्यापूर्वीच्या प्राथमिक बाबी त्यांनी सांगितल्या. हातात पेन्सिल कशी धरावी, लेखनाची योग्य पद्धत या विषयी मार्गदर्शन केले. बालमंदिरच्या विद्यार्थ्यांना अक्षरांची ओळख करून देत असताना चित्रवाचन व अक्षरवाचन असा सराव घ्यावा. लिखाणाला सुरुवात करण्यापूर्वी अक्षरांच्या अवयवांचा जास्तीत जास्त सराव करून घ्यावा म्हणजे हस्ताक्षर नक्कीच सुंदर, वळणदार होईल. असे अनेक महत्त्वाचे टप्पे पालकांना सांगितले. कार्यक्रमासाठी शालेय समिती अध्यक्ष राजेंद्र कदम, प्रबंधक विनायक हातखंबकर, पालक उपस्थित होते. मुख्याध्यापिका धनश्री मुसळे यांनी कार्यक्रमाचे नियोजन केले.