संघवीज् फर्निचर, गोदरेजतर्फे
तंत्रज्ञांचा मेळावा उत्साहात
रत्नागिरी, ता. १६ : येथील संघवीज् फर्निचर आणि इलेक्ट्रॉनिक्सचे मालक दिलीप संघवी, अक्षत संघवी आणि गोदरेज कंपनीच्यावतीने रत्नागिरी जिल्ह्यातील टेक्निशियन्सचा मेळावा हॉटेल मथुरा येथे आयोजित केला. या मेळाव्याला जिल्ह्यातून ५० जण उपस्थित होते.
विक्रीपश्चात सेवा अधिक चांगल्याप्रकारे देण्याच्या हेतूने वितरक, गोदरेज कंपनी आणि तंत्रज्ञ, कारागिरांचा समन्वय साधून ग्राहकांच्या अडचणी दूर करण्याच्या हेतूने या मेळाव्याचे आयोजन करण्यात आल्याचे दिलीप संघवी यांनी सांगितले. रत्नागिरी जिल्हा रेफ्रिजरेशन असोसिएशनचे अध्यक्ष सुधीर वासावे, उपाध्यक्ष मुद्दस्सर ठाकूर, समीर मुजावर, नौशाद वाडकर, मनीष शिंदे, जीवन जायगडे आदींनी मेळाव्याचे आयोजन केले.