-rat१२p३२.jpg -
२५N८३९७०
पावस ः पूर्णगड सागरी पोलिस ठाण्याच्या हद्दीमध्ये हर घर तिरंगा रॅली शालेय विद्यार्थी व ग्रामस्थ यांच्या संयुक्त विद्यमाने काढण्यात आली.
-------------
पावसमध्ये ‘हर घर तिरंगा रॅली’
सकाळ वृत्तसेवा
पावस, ता. १३ः स्वातंत्र्यदिनाच्या पार्श्वभूमीवर हर घर तिरंगा रॅलीला पावस परिसरामध्ये चांगला प्रतिसाद मिळाला. या रॅलीमध्ये शालेय विद्यार्थ्यांनी मोठा सहभाग घेतला होता. हर घर तिरंगा ही रॅली पूर्णगड सागरी पोलिस ठाणे जिल्हा परिषद प्राथमिक शाळा पावस क्र. एक, पावस ग्रामपंचायत स्वामी स्वरूपानंद विद्यामंदिर पावस यांच्या संयुक्त विद्यमाने रॅलीचे आयोजन करण्यात आले होते. ही रॅली विद्यामंदिर ते पावस बसस्थानक परिसरात काढण्यात आली. विविध घोषणा देत विद्यार्थ्यांनी रॅलीच्या माध्यमातून परिसरामध्ये जनजागृती केली तसेच शिवार आंबेरे येथे पेजे महाविद्यालय ते जाकादेवी चौकदरम्यान विविध घोषणांच्या माध्यमातून रॅली काढण्यात आली. त्याला विद्यार्थ्यांबरोबर ग्रामस्थांचा सहभाग होता. त्याचबरोबर गोळप पूल ते पावस बाजारपेठमार्गे चौक अशी पूर्णगड सागरी पोलिस ठाण्याच्यावतीने रॅली काढण्यात आली होती. त्यामुळे पूर्णगड सागरी पोलिस ठाण्याच्या हद्दीतील परिसरात हर घर तिरंगा रॅलीच्या माध्यमातून देशभक्तीचे वातावरण निर्माण झाले होते. ही रॅली पूर्णगड सागरी पोलिस ठाण्याचे साहाय्यक पोलिस निरीक्षक संजय पाटील यांच्या मार्गदर्शनाखाली काढण्यात आली.