84199

अवयव दानासाठी कणकवलीत
जागृती फेरीला उत्स्फूर्त प्रतिसाद

‘रोटरी’सह इतर संस्था प्रतिनिधींचा सहभाग

कणकवली, ता. १३ : रक्तदानासह जगामध्ये सर्वश्रेष्ठ असलेले अवयवदान. मात्र, अजूनही म्हणावी तेवढी या अवयवादाची जनजागृती झालेली नाही, त्याअनुषंगाने कणकवली शहरात आज देहदान, नेत्रदान, त्वचादान, अवयव दान याची जनजागृती फेरी काढण्यात आली. रोटरी क्लब कणकवली, दि फेडरेशन ऑफ ऑर्गन अँड बॉडी डोनेशन महाराष्ट्र, ज्येष्ठ नागरिक सेवा संघ, पेन्शनर्स असोसिएशनच्या संयुक्त विद्यामाने हा कार्यक्रम झाला.
या रॅलीमध्ये रोटरी क्लबचे अध्यक्ष ॲड. राजेंद्र रावराणे, डॉ. विद्याधर तायशेटे, प्रमोद लिमये, मेघा गांगण, रमेश मालवीय, राजश्री रावराणे, ॲड. दीपक अंधारी, महिंद्र मुरकर, गुरु पावसकर, नितीन बांदेकर, संतोष कांबळे, ज्येष्ठ नागरिक सेवा संघाचे आबा मराठे, राजस रेगे, पेन्शनर असोसिएशनचे प्रा. हरिभाऊ भिसे, अनुप्रिया रेगे, रिमा भोसले, आणि आयडियल स्कूलचे विद्यार्थी आणि शिक्षकवर्ग यामध्ये मोठ्या प्रमाणात सहभागी झाले होते. ‘नेत्रदान करा अंधाना प्रकाश दाखवा’, ‘अवयव जपा मृत्यू नंतर दान करा’, ‘मरावे परी अवयव रूपी उरावे’, अशा घोषणा देण्यात आल्या. यावेळी डॉ. विद्याधर तायशेटे तसेच प्रमोद लिमये यांनी अवयव दान का केले पाहिजे? आणि कसे केले पाहिजे? याविषयी मार्गदर्शन केले.