कणकववलीच्या ‘गुरुकृपा’मध्ये
उद्या ‘आयव्हीएफ’चे उद्‍घाटन

कणकवली,ता. १३ ः सिंधुदुर्ग जिल्ह्यात कर्करोग, हृदयविकार, मधुमेह तसेच महिलांचे विविध आजार वाढत आहेत. अशा आजारांवर सवलतीच्या दरात उपचार कणकवलीतील गुरुकृपा हॉस्पिटलमध्ये केले जाणार आहेत. यासाठी सरस्वती फाउंडेशनच्या माध्यमातून ही रुग्णांसाठी मदत केली जाईल, अशी माहिती डॉ. शमिता बिरमोळे यांनी आज येथे दिली. गुरुकृपा रुग्णालयामध्ये प्रथमच अत्याधुनिक आयव्हीएफ सेंटर सुरू होत आहे. तसेच महिलांसाठी जनजागृती मोहिमेचे आयोजन केल्याची माहितीही दिली.
शुक्रवारी (ता.१५) सायंकाळी चार वाजता या सेंटरचे उद्‍घाटन पालकमंत्री नीतेश राणे यांच्या हस्ते होणार आहे. यावेळी खासदार नारायण राणे, जिल्हाधिकारी अनिल पाटील आदी उपस्थित राहणार आहेत. गेली काही वर्षे समाजसेवा देत असणारे डॉ. प्रवीण बिरमोळे हे सर्जन आहेत. विविध आजारांवर अत्याधुनिक शस्त्रक्रियाही त्यांनी सुरू केली आहे. लेझर सिस्टमद्वारे अत्याधुनिक उपचार पद्धती कमी खर्चामध्ये गोरगरीब रुग्णांसाठी उपलब्ध असल्याची माहिती डॉ. प्रवीण बिरमोळे यांनी दिली.