भाजपतर्फे खेडमध्ये दहिहंडी
सकाळ वृत्तसेवा
खेड, ता. १४ : खेड तालुका भारतीय जनता पक्षाच्या वतीने यंदाही दहीहंडीचे आयोजन करण्यात आले आहे. त्यामुळे खेडवासीयांना जिल्हाभरातील गोविंदा पथकांचा थरार अनुभवता येणार आहे. शहरातील भाऊसाहेब पाटणे व्यापारी संकुलासमोर भाजपची दहीहंडी लावण्यात येणार आहे, असे तालुकाध्यक्ष ऋषिकेश मोरे यांनी सांगितले.
दहीहंडी कार्यक्रमाविषयी मोरे म्हणाले, ‘‘खेड भाजपचे दहीहंडी उत्सवाचे हे तिसरे वर्ष आहे. या वेळी गोविंदा पथकासाठी प्रथम पारितोषिक २१ हजार रुपये तर सहभागी होणाऱ्या गोविंदांना सन्मानचिन्ह तसेच प्रशस्तिपत्र देण्यात येणार आहे. या कार्यक्रमासाठी भाजपचे जिल्हाध्यक्ष सतीश मोरे, माजी जिल्हाध्यक्ष केदार साठे, माजी आमदार विनय नातू, माजी आमदार सूर्यकांत दळवी आदी मान्यवर उपस्थित राहणार आहेत.