-Rat१६p२९.jpg-
२५N८४७४०
देव्हारे : गोविंदापथकांचा गौरव करताना गृहराज्यमंत्री योगेश कदम, प्रताप घोसाळकर, संजय शेडगे.
-----
विकासाचे थर रचून विधानसभेची
दहीहंडी फोडणार ः योगेश कदम
देव्हारेत दहीहंडी महोत्सव ; ४० गोविंदापथकांचा सहभाग
सकाळ वृत्तसेवा
मंडणगड, ता. १६ ः दापोली मतदार संघात विकासाचे थर रचून विधानसभेची दहीहंडी फोडणार असल्याचे आश्वासन गृहराज्यमंत्री योगेश कदम यांनी मंडणगडवासियांना दिले. देव्हारे येथे दहीहंडी महोत्सवात ते बोलत होते.
योगेश कदम म्हणाले, देव्हारे पंचक्रोशीत मागे पडलेल्या दहीहंडी उत्सवास गेल्या पाच वर्षात शिवसैनिकांनी नवसंजीवनी दिल्याने येथे वेगळा उत्साह आला. यंदा ४० गावातील गोविंदापथके कार्यक्रमात सहभागी झाले. शिस्तबद्धपणे आपली कला सादर करत आहेत. तालुक्यात विकासकामांचे थर लावून मतदार संघात विकासाची दहीहंडी फोडणार आहेत.
ग्रामीण भागातून आलेल्या सर्व गोविंदापथकांनी पाच थरांची सलामी देत पारंपरिक नृत्याचे सादरीकरण केले. त्यांना सन्मानचिन्ह देऊन गौरवण्यात आले. कार्यक्रमाला तालुकाप्रमुख प्रताप घोसाळकर, अनंत लाखण, उपतालुकाप्रमुख संजीव येसावरे, विभागप्रमुख संजय शेडगे, दीपक मालुसरे, इरफान बुरोंडकर, अस्मिता केंद्रे, सिद्धेश देशपांडे आदींसह चाळीसहून अधिक गोविंदापथके उपस्थित होती.