-rat१६p३३.jpg-
25N84981
रत्नागिरी ः पालकमंत्री उदय सामंत यांच्या हस्ते रवींद्र साळवी यांचा गौरव करण्यात आला. शेजारी मान्यवर
---
‘सकाळ’चे रवींद्र साळवींचा गौरव
सकाळ वृत्तसेवा
लांजा, ता. १८ ः लांजा तालुक्यातील वेरळ येथील प्रगतशील शेतकरी व बातमीदार रवींद्र साळवी यांनी भातपिक स्पर्धेत जिल्हास्तरावर तृतीय क्रमांक प्राप्त केला. जिल्ह्याचे पालकमंत्री उदय सामंत यांच्या हस्ते रवींद्र साळवी यांचा १५ ऑगस्ट रोजी सत्कार करण्यात आला.
महाराष्ट्र शासन कृषी विभाग, प्रकल्प संचालक आत्मा रत्नागिरी यांच्या संयुक्त विद्यमाने जिल्हास्तरीय भातपिक स्पर्धा आयोजित करण्यात आली होती. स्पर्धेत लांजा तालुक्यातील वेरळ येथील प्रगतशील शेतकरी व ‘सकाळ’चे बातमीदार रवींद्र साळवी यांनी जिल्ह्यात तृतीय क्रमांक मिळवला. स्पर्धेत प्रथम क्रमांक सुवर्णा मिलिंद वैद्य (रीळ), महेंद्र विठ्ठल पवार (गुडेघर, मंडणगड) यांनी पटकावला. रवींद्र साळवी यांनी १ गुंठ्यामध्ये ११७.५० किलो भाताचे उत्पादन घेतले होते. या वेळी मुख्य कार्यकारी अधिकारी वैदेही रानडे, अप्पर जिल्हाधिकारी भाऊसाहेब गलांडे, जिल्हा अधीक्षक कृषी अधिकारी शिवकुमार सदाफुले, आत्माचे प्रकल्प संचालक विजय बेतीवार, रोटरीचे प्रमोद कुलकर्णी, ॲड. स्वप्नील साळवी, कृषी उत्पन्न बाजार समितीचे सभापती सुरेश सावंत, पणनचे उपसरव्यवस्थापक मिलिंद कुलकर्णी आदी उपस्थित होते.