85310
जठारांकडे लवकरच मोठी जबाबदारी
नीतेश राणेः कासार्डे दहिहंडीचे ‘डोंबिवली शिवशक्ती’ मानकरी
सकाळ वृत्तसेवा
तळेरे, ता. १८ः माजी आमदार प्रमोद जठार यांनी मला नेहमीच राजकीय प्रवासात साथ, आशीर्वाद व मार्गदर्शन केले आहे. तरुण तरुणींना रोजगार मिळण्यासाठी सातत्याने पाठपुरावा करणारे प्रमोद जठार आहेत. भविष्यात त्यांना जबाबदारीचे पद निश्चितच मिळेल, असा विश्वास मत्स्य व्यवसाय व बंदर विकास मंत्री तथा सिंधुदुर्ग पालकमंत्री नीतेश राणे यांनी व्यक्त केला. ते कासार्डे येथे माजी आमदार प्रमोद जठार मित्रमंडळाच्या दहिहंडी उत्सवात बोलत होते. यावेळी २०२५ ची दहीहंडी फोडण्याचा मान शिवशक्ती महिला गोविंद पथक, डोंबिवली यांनी पटकावला. ते लाखाचे मानकरी ठरले. त्यांना पालकमंत्री राणे यांच्या उपस्थितीत रोख रक्कम व मानाचा करंडक देऊन गौरविण्यात आले.
यावेळी माजी आमदार तथा भाजप सचिव प्रमोद जठार, नीरजा जठार, मानसी वाळवे, कणकवली विधानसभा प्रमुख मनोज रावराणे, महिला जिल्हा सरचिटणीस पूजा जाधव, मंडल अध्यक्ष दिलीप तळेकर, महिला मंडलाध्यक्ष हर्षदा वाळके, जिल्हा प्रसिध्दी प्रमुख बबलू सावंत, प्रमोद जठार मित्रमंडळ अध्यक्ष प्रसाद जाधव, माजी जिल्हा परिषद सदस्या सुप्रिया पाताडे, शिडवणे सरपंच रवींद्र शेटये, बाबा कोकाटे, चंद्रकांत हरयाण, संदीप बांदिवडेकर, संजय कुदळे, प्रभाकर पवार, संजय फाळके, सुधीर देवळे, अनिकेत आबेरकर, रोहित महाडिक, बाबू घाडी, सुधीर तळेकर, शरद शेलार, उल्हास पाताडे, प्रीतम पाताडे यांच्यासह रत्नागिरी-सिंधुदुर्ग जिल्ह्यांतील भाजपा पदाधिकारी व प्रमोद जठारप्रेमी मोठ्या संख्येने उपस्थित होते.
दहीहंडी उत्सवाचा शुभारंभ सामाजिक कार्यकर्ते अॅड. नकुल पार्सेकर यांच्या हस्ते श्रीफळ वाढवून करण्यात आला.
यावेळी प्रमोद जठार, मित्रमंडळाचे अध्यक्ष प्रसाद जाधव, तंटामुक्त अध्यक्ष श्रीरंग पाताडे, माजी तंटामुक्त अध्यक्ष संजय नकाशे, पप्पी पाताडे, ग्रामपंचायत सदस्य सहदेव खाड्ये, माजी जिल्हा परिषद सदस्य संजय देसाई, कणकवली तालुकाध्यक्ष मिलिंद मेस्त्री, युवामोर्चा जिल्हाध्यक्ष संदीप मेस्त्री, कलाकार मानधन समिती जिल्हाध्यक्ष संतोष कानडे, कासार्डे उपसरपंच गणेश पाताडे आदी उपस्थित होते.
शिवशक्ती महिला गोविंदा पथक, डोंबिवलीने पाच थरांची सलामी देत १ लाख ११ हजार १११ ची दहीहंडी फोडली. मान्यवरांच्या हस्ते त्यांना रोख रक्कमेसह मानाचा करंडक देऊन गौरविण्यात आले. सूत्रसंचालन अमोल जमदाडे यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.