85558

वेंगुर्ले तालुक्यात जनजीवन विस्कळीत

वेंगुर्ले, ता. १९ ः गेले दोन दिवस पडण्याऱ्या मुसळधार पावसामुळे तालुक्यात जनजीवन विस्कळीत झाले आहे. तालुक्यातील नदी नाल्यांच्या पाण्याच्या पातळीत वाढ झाली असून, या पावसामुळे गणेशोत्सवाच्या पूर्वसंध्येला बाजारपेठा व आठवडा बाजारावरही परिणाम झाला.
तालुक्यात सोमवार (ता.१८) पासून सुरू असलेल्या पावसामुळे नदी, ओहोळांच्या पाणी पातळीत वाढ झाली आहे. आज दिवसभर तालुक्यात पावसाची संततधार सुरू होती. त्यामुळे शहरातील बाजारपेठत तसेच होडावडा आठवडा बाजारपेठेवर याचा परिणाम पाहायला मिळाला. होडावडा आठवडा बाजारात सर्व चिखलमय वातावरण झाल्याने व्यापाऱ्यांना त्रास सहन करावा लागला. कोकणातील सर्वात मोठा सण म्हणजे गणेशोत्सव हा अवघ्या आठ दिवसांवर येऊन ठेपला आहे.
-----
...तरीही बाजारपेठांमध्ये शांतता
गणेशोत्सवाच्या पार्श्वभूमीवर ठिकठिकाणी आपल्याला बाजारपेठा सजलेल्या पाहायला मिळतात. मात्र, या पावसामुळे त्या शांत दिसत होत्या. नागरिकांनीही घरातच राहणं पसंत करत बाजारपेठांकडे पाठ फिरवल्याचे चित्र आहे. काल रात्री ११ वाजता सिद्धेश्वरवाडी येथे सुजाता महादेव कापडोसकर यांच्या राहत्या घरावर नारळाचे झाड पडून सुमारे १२ हजारांचे नुकसान झाले. घरातील कोणालाही कोणत्याही प्रकारची दुखापत झाली नसल्याची माहिती तालुका आपत्ती विभागाकडून देण्यात आली.