वंदे मातरम् स्पर्धेत
जांभेकर विद्यालय द्वितीय
रत्नागिरी, ता. २५ : सावरकर नाट्यगृहात झालेल्या वंदे मातरम् स्पर्धेत रत्नागिरी एज्युकेशन सोसायटीच्या सौ. गोदूताई जांभेकर विद्यालयाने देशभक्तिपर गीतगायन स्पर्धेत द्वितीय क्रमांक पटकावला. याबद्दल शाळेमध्ये सर्व विद्यार्थ्यांचा सत्कार करण्यात आला.
भारतीय स्वातंत्र्य उत्सवाचा एक भाग म्हणून या स्पर्धेचे आयोजन लोकमान्य को-ऑपरेटिव्ह सोसायटीने केले होते. विद्यार्थ्यांमध्ये राष्ट्रभक्ती जागृती व्हावी यासाठी स्पर्धेचे आयोजन केले. शहरातील अनेक शाळांनी आपला सहभाग नोंदवला होता. सौ. गोदूताई जांभेकर विद्यालयातील पाचवी ते सातवी या गटामध्ये देशभक्तिपर गीतगायन स्पर्धेत प्रशालेने द्वितीय क्रमांक पटकावला. प्रशालेला सन्मानचिन्ह व प्रशस्तिपत्रक देऊन सन्मानित करण्यात आले.