-rat२८p९.jpg-
२५N८७६८९
देवरुख मातृमंदिर गोकुळ बालिकाश्रमातील गणेशमूर्ती.
--------
‘मातृमंदिर गोकुळ’त गणेशोत्सव उत्साहात
सकाळ वृत्तसेवा
साडवली, ता. २८ : देवरूख मातृमंदिर गोकुळ बालिकाश्रमातील मुलींनी गणेशमूर्ती स्थापन करुन दीड दिवस गणरायाची मनोभावे सेवा केली. अनाथांच्या नाथा तुज नमो म्हणत साकडे घातले. यासाठी सुंदर आरास करण्यात आली होती.
छत्रपती शिवाजी महाराज यांच्या जीवनातील शौर्याच्या प्रसंगांची माहिती मांडण्यात आली होती. छत्रपती शिवाजी महाराज यांचा शौर्याचा इतिहास नवीन पिढीला ज्ञात व्हावा हा हेतू होता. दीड दिवसाच्या या गणेशोत्सवात मुलींनी गणपती पूजन, आरत्या करुन तसेच विविध खेळ, गाणी म्हणत मनोरंजनाचा आनंद लुटला. शहरवासीयांनी गणेशाचे दर्शन घेवून मुलींच्या कार्याचे कौतुक केले. दीड दिवसाच्या या गणेशमूर्तीचे विधीवत विसर्जन करण्यात आले.