निराधार महिलांना
‘लायन्स’तर्फे जिन्नस भेट
खेड, ता. २ ः लायन्स क्लबचे ज्येष्ठ सदस्य रत्नाकर शीलेवंत यांच्या वाढदिवसानिमित्त लायन्स क्लबच्या प्रथेप्रमाणे निराधारांना आधार या अनुषंगाने खेडमधील विविध भागातील निराधार महिलांना एक महिन्याचा जिन्नस भेट देण्यात आला. कुंभारआळी मधील जयश्री जनार्दन खेडेकर तसेच नुकतेच दीड दिवसाच्या गणपती विसर्जन वेळी भोस्ते पाटील वाडीतील तरुण मंगेश पाटील पाण्याचा अंदाज न आल्यामुळे दुर्दैवी मृत्यू झाला त्यांच्या पश्चात दोन मुले व पत्नी आहेत. त्या कुटुंबाला जिन्नस भेट देण्यात आला. खेड शिगवणवाडी येथील आनंदी शिगवण या कुटुंबांना लायन्स क्लबच्यावतीने जिन्नस भेट देण्यात आला. या प्रसंगी रत्नाकर शिलेवंत, लायन्स क्लबचे माजी अध्यक्ष रोहन विचारे, खजिनदार माणिक लोहार, शैलेश धारिया, परेश चिखले, संतोष शिंदे आदी सदस्य उपस्थित होते.