- rat४p२३.jpg-
२५N८९४५५
रत्नागिरी -सेवाभावी संस्था प्रबोधन समितीच्या पदाधिकाऱ्यांसह उद्योगमंत्री उदय सामंत.
---
प्रबोधन समितीची १३ला स्थापना
सकाळ वृत्तसेवा
रत्नागिरी, ता. ४ ः राज्यातील सर्व सेवाभावी संस्था एकत्र करून सेवाभावी संस्थांची प्रबोधन समिती स्थापना करण्यात येणार असून, त्याचे उद्‍घाटन १३ रोजी सकाळी उद्योगमंत्री उदय सामंत यांच्या उपस्थितीत गणपतीपुळे येथे होणार आहे. श्रींचे दर्शन घेऊन ही राज्यस्तरीय समिती कामाला सुरुवात करेल.
संस्थेच्या उद्‍घाटन कार्यक्रमाला संस्थापक अध्यक्षा सुनीता मोडक, कल्की सामाजिक संघटनेच्या संस्थापक अध्यक्षा शालिनी ठाकरे, आमदार किरण सामंत, जिल्हाधिकारी, जिल्हा पोलिस अधीक्षक, सर्व शासकीय यंत्रणाचे प्रमुख अधिकारी उपस्थित राहणार आहेत. या कार्यक्रमाला महाराष्ट्रातील कोकण, पुणे, नाशिक, संभाजीनगर, अमरावती, नागपूर या महाराष्ट्रातील ६ विभागांतून हजारो सेवाभावी संस्थांचे सर्व प्रमुख पदाधिकारी आणि कार्यकर्ते उपस्थित राहणार आहेत. या कार्यक्रमाला सर्व सेवाभावी संस्थांच्या प्रतिनिधींनी उपस्थित राहावे, असे आवाहन मोडक यांनी केले आहे.