गणेश उत्सवातील विशेष गाड्यांच्या अखेरच्या फेऱ्या
कणकवली, ता. ७ः कोकणातील गणेशोत्सवासाठी भारतीय रेल्वे कडून जवळपास ३४० पेक्षा अधिक जादा गाड्यांच्या फेऱ्या सुरू केल्या होत्या. यामुळे प्रवाशांना दिलासा मिळाला. गणेश उत्सवापूर्वी या गाड्या सुरू होत्या. आता या गाड्या १० सप्टेंबरपर्यंत आहेत.
कोकण रेल्वे मार्गावर धावणारी ०११६५ एलटीटी ते मडगाव ही गाडी ९ सप्टेंबर पर्यंत धावणार आहे. तसेच ०११२९ एलटीटी ते सावंतवाडी ही गाडी ८ सप्टेंबर पर्यंत धावणार आहे. तसेच ०११७१ एलटीटी ते सावंतवाडी ही गाडी ८ सप्टेंबर पर्यंत धावणार आहे. या मार्गावरील सावंतवाडी ते मुंबई सेंट्रल ही गाडी ८ सप्टेंबरला शेवटचा परतीचा प्रवास करणार आहे. उधान जंक्शन ते मंगळूर जंक्शन ही २८ सप्टेंबर पर्यंत धावणार आहे. सावंतवाडी ते छत्रपती शिवाजी महाराज टर्मिनल पर्यंत धावणारी ०११५२ ही जादा गाडी १० सप्टेंबर पर्यंत धावणार आहे. यंदा रेल्वेने जादा गाड्या सोडल्याने भाविकांचा प्रवास सुखकर झाला. या मार्गावर अतिरिक्त फेऱ्या असल्याने जादा गाड्यांचे वेळापत्रक विस्कळीत होते. मात्र, प्रवाशांना आरक्षण उपलब्ध झाल्याने दिलासा मिळाला.