swt124.jpg
N91038
म्हापण ः येथे पंचायत राज अभियान कार्यशाळेत परुळे बाजार ग्रामपंचायतीचा सन्मान करण्यात आला.

‘पंचायत अभियान’ ची
म्हापण येथे कार्यशाळा
म्हापण, ता. १२ ः मुख्यमंत्री समृद्ध पंचायत राज अभियानांतर्गत तालुकास्तरीय कार्यशाळा म्हापण येथे झाली. या कार्यशाळेदरम्यान संत गाडगेबाबा ग्रामस्वच्छता अभियानात राज्यस्तरीय पारितोषिक प्राप्त केलेल्या परुळे बाजार ग्रामपंचायतीचा सन्मान करण्यात आला.
गटविकास अधिकारी वासुदेव नाईक यांच्या हस्ते हा गौरव करण्यात आला. यावेळी परुळे बाजार ग्रामपंचायतीच्या सरपंच प्रणिती आंबडपालकर, उपसरपंच संजय दूधवडकर, सदस्य सीमा सावंत व नमिता परुळेकर, ग्रामपंचायत अधिकारी शरद शिंदे आदी मान्यवर उपस्थित होते. कार्यशाळेत मुख्यमंत्री समृद्ध पंचायत राज अभियानांतर्गत राबविण्यात येणाऱ्या विविध बाबींची माहिती देण्यात आली. यावेळी तालुक्यातील सर्व ग्रामपंचायतींचे सरपंच, उपसरपंच, सदस्य, ग्रामपंचायत अधिकारी व कर्मचारी उपस्थित होते.