निबंध स्पर्धेत स्नेहल खोपे प्रथम
सकाळ वृत्तसेवा
सावर्डे, ता. १६ : सावर्डे येथील कला व विज्ञान महाविद्यालयात हिंदी दिनानिमित्त आयोजित केलेल्या निबंध स्पर्धेत स्नेहल खोपे हिने प्रथम तर रोहिणी कांबळे हिने द्वितीय क्रमांक पटकावला. सानिया कदमला तिसरा क्रमांक मिळाला आहे.
निबंध स्पर्धेतील विजयी विद्यार्थ्यांचा पारितोषिके देऊन गौरव करण्यात आला. या कार्यक्रमाच्या अध्यक्षस्थानी महाविद्यालयाचे प्राचार्य टी. वाय. कांबळे होते. या प्रसंगी मेरा युवा भारत रत्नागिरी विभागाचे अनिकेत जाधव, अरविंद भंडारी यांची प्रमुख उपस्थिती होती. तत्पूर्वी कार्यक्रमाची सुरुवात दीपप्रज्वलन आणि सरस्वतीपूजन करून झाली. हिंदी विभागप्रमुख प्रा. जयसिंग चवरे यांनी हिंदी भाषेचे महत्त्व आणि तिचा प्रसार यावर मार्गदर्शन केले. हिंदी ही केवळ एक भाषा नाही, तर ती आपल्या संस्कृतीचा आणि एकतेचा अविभाज्य भाग आहे. विद्यार्थ्यांनी हिंदीचा दैनंदिन जीवनात वापर करण्याचे आवाहन त्यांनी केले. कार्यक्रमाचे सूत्रसंचालन प्रा. अवनी कदम यांनी केले. आभार प्रदर्शन प्रा. सुनील जावीर यांनी केले.