91861
आदर्श शिक्षक पुरस्कार
विलास फालेंना प्रदान
सकाळ वृत्तसेवा
ओटवणे, ता. १६ ः माडखोल केंद्र शाळेचे पदवीधर शिक्षक विलास फाले यांना जिल्हा परिषदेचा उत्कृष्ट, गुणवंत व आदर्श शिक्षक पुरस्कार पालकमंत्री नीतेश राणे यांच्या हस्ते मान्यवरांच्या उपस्थितीत प्रदान करण्यात आला.
यावेळी जिल्हा परिषद मुख्य कार्यकारी अधिकारी रवींद्र खेबुडकर, प्राथमिक शिक्षणाधिकारी गणपती कमळकर, सौ. फाले, केंद्रप्रमुख रामचंद्र वालावलकर व अन्य अधिकारी उपस्थित होते. कुडाळ तालुक्यातील कुपवडे गावचे सुपुत्र फाले यांची मे २०२३ मध्ये माडखोल केंद्रशाळा क्र. १ मध्ये बदली झाल्यानंतर त्यांनी अल्पावधीतच आपल्या कार्याचा ठसा उमटवून विद्यार्थी आणि पालक यांच्या मनात आपले वेगळे स्थान निर्माण केले. आपल्या आई-वडिलांसह सर्व गुरुजन व माडखोल केंद्रप्रमुख रामचंद्र वालावलकर यांच्या प्रेरणादायी मार्गदर्शनामुळे आपल्या शैक्षणिक कारकिर्दीला निर्णायक वळण मिळाल्याचे त्यांनी सांगितले. विद्यादानाचे व्रत अधिक जोमाने जोपासण्याचा मानस त्यांनी व्यक्त केला. या पुरस्काराबाबत त्यांचे सर्वस्तरांतून अभिनंदन केले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.