-RATCHL१८२.JPG -
25N92475
चिपळूण ः विजेत्या टीमला गौरवताना मान्यवर.
-----
‘जीआयटीत’ प्रश्नमंजुषा
सकाळ वृत्तसेवा
चिपळूण, ता. १९ ः रासायनिक अभियांत्रिकी विभागाने स्टुडंट चॅप्टरच्यावतीने आणि घरडा केमिकल्स लिमिटेडच्या सहकार्याने लवेल येथील घरडा अभियांत्रिकी महाविद्यालयात डॉ. के. एच. घरडा मेमोरियल राष्ट्रीय स्तरावरील प्रश्नमंजुषा स्पर्धा घेण्यात आली. यामध्ये डोंबिवली येथील शिवाजीराव जोंधळे इंजिनिअरिंग कॉलेजने प्रथम, घरडा इन्स्टिट्यूट ऑफ टेक्नॉलॉजीने द्वितीय आणि भारती विद्यापीठ कॉलेज ऑफ इंजिनिअरिंगने तृतीय क्रमांक मिळवला.
या तिन्ही महाविद्यालयाच्या टीमना अनुक्रमे २५ हजार, २० हजार आणि १५ हजाराची पारितोषिके, सन्मानचिन्ह देऊन गौरवण्यात आले. रासायनिक अभियांत्रिकी क्षेत्रातील दूरदर्शी नेते डॉ. के. एच. घरडा यांच्या स्मृतीस समर्पित करतानाच अभियांत्रिकी शिक्षणातील नवोपक्रम, बुद्धिमत्ता आणि उत्कृष्टतेचा सन्मान करण्यासाठी आयोजित केला गेला. स्पर्धेचे उद्‍घाटन घरडा कंपनीचे प्रशासनाधिकारी धीरज जाधव यांनी केले. या वेळी शिक्षणतज्ज्ञ डॉ. ए. बी. मराठे होते. क्विझमध्ये एमसीक्यू, लघुत्तरे, रॅपिड फायर आणि व्हिज्युअल प्रश्नांचा समावेश होता. जीआटीचे प्राचार्य डॉ. प्रमोद पाटील, प्राचार्य, प्रा. गिरीश दंडीगे, डॉ. एस. पी. टेकाडे, डॉ. एस. जे. कुलकर्णी आदी उपस्थित होते.