swt1832.jpg
92483
देवगड ः तहसीलदार रमेश पवार यांच्या हस्ते विद्यार्थ्यांना दाखल्यांचे वाटप करण्यात आले.

‘महाराजस्व’ अभियान अंतर्गत
देवगडमध्ये विद्यार्थ्यांना दाखले
सकाळ वृत्तसेवा
देवगड, ता. १८ः सेवा पंधरवडा अंतर्गत ‘शाळा तिथे दाखले’ अभियान येथे राबविण्यात आले. येथील शेठ म. ग. हायस्कूलच्या गुरुदक्षिणा प्रेक्षागृहात तहसीलदार रमेश पवार यांचे हस्ते शालेय विद्यार्थ्यांना वय अधिवास दाखल्यांचे वाटप करण्यात आले. यावेळी एकूण ५२ विद्यार्थ्यांना दाखल्यांचे वाटप केले गेले.
छत्रपती शिवाजी महाराज महाराजस्व अभियानांतर्गत पंतप्रधान नरेंद्र मोदी यांचा जन्मदिन ते महात्मा गांधी जयंती (२ ऑक्टोबर) या कालावधीमध्ये राबविण्यात येणार्‍या सेवा पंधरवडा अंतर्गत ‘शाळा तेथे दाखले’ ही विशेष मोहीम राबविण्यात आली. ही मोहीम राबविण्यासाठी हायस्कूलचे मुख्याध्यापक प्रवीण खडपकर, सेतू संचालक नरेंद्र भाबल यांनी मेहनत घेतली. एका दिवसात दाखले तयार करून दाखल्यांचे वाटप करता आले, असे तहसीलदार पवार यांनी उपस्थित पालकांना सांगितले.
‘शाळा तेथे दाखले’ ही विशेष मोहीम जिल्हाधिकारी तृप्ती धोडमिसे यांच्या संकल्पनेचा भाग असून प्रांताधिकारी यांच्या मार्गदर्शनाखाली तालुक्यात यशस्वीरित्या पार पाडली जाईल, असेही त्यांनी आश्‍वासित केले. याप्रसंगी दाखल्यांच्या महत्त्वाबाबत महसूल कर्मचारी प्रदीप कदम यांनी विद्यार्थ्यांना माहिती दिली. या कार्यक्रमाला महसूल नायब तहसीलदार श्रीकृष्ण ठाकूर, मुख्याध्यापक खडपकर, पालक, विद्यार्थी व सेतू संचालक भाबल उपस्थित होते.