92876

कोलगाव नवरात्रोत्सव
अध्यक्षपदी चव्हाण
सावंतवाडी ः कोलगाव पांडवनगरी येथील श्री देव वस नवरात्रोत्सव मंडळाच्या अध्यक्षपदी बाबुराव चव्हाण यांची बिनविरोध निवड झाली. गेली सात वर्षे ते या मंडळाचे सातत्याने अध्यक्ष म्हणून काम करत आहेत. उपाध्यक्षपदी विजय चव्हाण तर सचिव आनंद चव्हाण, सहसचिव रवींद्र चव्हाण पुजारी तथा खजिनदारपदी सदानंद चव्हाण, सहखजिनदार अमोल चव्हाण, कार्याध्यक्ष अॅड. स्वप्नील कोलगावकर आणि मार्गदर्शक म्हणून सागर चव्हाण यांची बिनविरोध निवड करण्यात आली आहे.
श्री देव वस नवरात्रोत्सव मंडळाकडून नऊ दिवस चालणाऱ्या कार्यक्रमांमध्ये दशावतारी तीन नाटकांचा समावेश असून याशिवाय कीर्तन, प्रवचन, फुगडी, दांडिया आणि भजनाच्या कार्यक्रमांचे आयोजन केले आहे. दरवर्षीप्रमाणे यंदाही मोठ्या उत्साहात नवरात्रोत्सव साजरा करण्याचा निर्णय नुकत्याच पार पडलेल्या बैठकीमध्ये घेण्यात आला.
---
92789
राज्यस्तरीय पुरस्कार
पाटील यांना जाहीर
मालवण : महाराष्ट्राच्या सार्वजनिक बांधकाम विभागातर्फे दिला जाणारा प्रतिष्ठेचा पुरस्कार येथील सार्वजनिक बांधकाम विभागाचे उपअभियंता अजित पाटील यांना जाहीर झाला आहे. सार्वजनिक बांधकाम विभागाच्या तांत्रिक आणि अतांत्रिक कर्मचाऱ्यांच्या उल्लेखनीय कामगिरीसाठी दरवर्षी हे पुरस्कार दिले जातात. लवकरच एका विशेष समारंभात संबंधित मंत्र्यांच्या हस्ते या पुरस्कारांचे वितरण होणार आहे. या पुरस्काराबद्दल त्यांचे सर्वस्तरांतून अभिनंदन केले जात आहे.